Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 20 oktabr kuni amalga oshirilgan ishlar — ayrim hududlar misolida.
Andijon viloyati:
Qo‘rg‘ontepa tumani “Do‘stlik” MFY hududiga 54 dona temir-beton tayanchlar o‘rnatilib, 800 metr 10 kVli hamda 1,4 km uzunlikdagi SIP kabel tarmog‘i tortildi va 1 dona quvvati 100 kVА bo‘lgan transformator punkti o‘rnatildi.
Buxoro viloyati:
Viloyatda istiqomat qiluvchi tabiiy gaz iste’molchilarining 168 mingga yaqin xonadoniga “aqlli” hisoblagichlar o‘rnatildi.
Vobkent, Shofirkon hamda Buxoro tumanlaridagi 287 ta mahalla fuqarolar yig‘inidagi 170 mingdan ortiq iste’molchilariga gaz ballonlari o‘z vaqtida yetkazib berilmoqda.
Buxoro viloyatida “Shimoliy” 35 kVli elektr uzatish tarmoqlarida joriy ta’mirlash ishlari olib borilmoqda.
Navoiy viloyati:
Xatirchi tumanidagi “Tinchlik” va “Bug‘irdoq” MFYlari, Qiziltepa tumanidagi “Gulbog‘” va “Tavois” MFYlari va Navoiy shahridagi “Tinchlik” MFYlarga 5 dona transformator punktlari o‘rnatildi va 8 km elektr uzatish tarmog‘i tortildi.
“Obod qishloq” va “Obod mahalla” davlat dasturlari doirasida Nurota tumanidagi “Mirishkor”, “Nurfaxr” MFY, Konimex tumanidagi “Ko‘kcha”, “Yuksalish” MFY va Zarafshon shahridagi “Yangi Zarafshon” MFYlarini elektr energiyasi bilan uzluksiz ta’minlash maqsadida 3 dona transformator punkti o‘rnatildi va 4,2 km elektr uzatish tarmog‘i tortildi.
Xatirchi tumanidagi kichik sanoat zonasining tashqi elektr ta’minoti uchun 110/10 kVli nimstansiyasiga 2 dona quvvati 16 MVA bo‘lgan kuch transformatorlari temir yo‘l orqali o‘rnatish uchun olib kelindi.
“Obod qishloq” va “Obod mahalla” dasturlari asosida Zarafshon shahrida joylashgan “Yulduz ” mahallasida ayni paytda 160 dan ortiq aholi xonadonlari istiqomat qilib kelmoqda. Ushbu mahalla tarkibidagi ko‘chalar ham dasturga kiritilgan bo‘lib, hozirda mahallaga 98 dona temir beton tayanchlar o‘rnatilyapti.
Shuningdek, 160 kVA bo‘lgan transformator punkti o‘rnatilib, hozirda montaj qilish ishlari olib borilyapti. Hozirda dastur doirasidagi ishlar har-bir tuman va shaharlarda tizimli davom etib kelmoqda.
Viloyatda kuz-qish mavsumiga tayyorgarlik doirasida 1,4 km gaz quvurlari mukammal taʼmirlandi. Navbahor, Xatirchi, Qiziltepa tumanlari va Navoiy shahridagi jami 6,9 km gaz quvurlari rekonstruksiya qilindi. Qiziltepa, Navbahor, Nurota va Xatirchi tumanlarida jami 10 dona gaz taqsimlash qurilmasi kapital taʼmirlandi. Shuningdek, 3 ming 638 dona gaz taqsimlash qurilmasi taftish qilinib, aholiga gaz yetkazishda xavfsizlik choralari koʼrildi.
Bundan tashqari, 66,8 km gaz quvurlari bosim ostida zichlikka sinalib, havo bosimi yordamida tozalandi. 89,6 km yer osti gaz quvurlari esa pribor usuli bilan tekshirilib, gaz sizib chiqish holati mavjud yoki mavjud emasligi tekshirildi.
Samarqand viloyati:
Urgut tumanidagi “Sovg‘on” mahallasiga 5718-transformator punktiga qo‘shimcha 100/10 kVli yangi transformator punkti o‘rnatildi. Shuningdek, 32 dona temir-beton ustunlari o‘rnatilib, 1,4 km. uzunlikda SIP-2, 600 metr SIP-4 hamda 1,5 km. masafoga AS-50 elektr uzatish tarmoqlari tortildi.
“Obod qishloq” va “Obod mahalla” dasturlari doirasida Pastdarg‘om tumani “Iskandari” MFY hududida 12 dona temir-beton ustunlari o‘rnatilib, 1 km masofaga elektr uzatish tarmoqlari tortildi.
Ishtixon tuman “Malik” nimstansiyasidan chiquvchi “Qo‘rli” fiderining 10 kVli elektr uzatish tarmoqlarini daraxt shoxlaridan tozalash ishlarini olib borishdi.
Farg‘ona viloyati:
Quvasoy shahar “Qo‘chqorchi” MFY hududiga 2 dona turli quvvatdagi yangi transformator punkti olib kelib o‘rnatildi. Shuningdek, 1,0 km uzunlikda 6 kVli, 1,2 km uzunlikda 0,4 kVli yangi elektr uzatish tarmoqlari qurilmoqda va 80 ga yaqin temir-beton tayanchlari o‘rnatilmoqda.
Xorazm viloyati:
Yangibozor tumanidagi 110/10 kVli “Madaniyat” podstansiyasida quvvati 6300 kVA bо‘lgan transformator quvvati 10 000 kVA bо‘lgan yangi transformatorga almashtirildi.
408
