Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 21 oktabr kuni amalga oshirilgan ishlar — ayrim hududlar misolida.
Namangan viloyati:
Bugungi kunda Chortoq tumani “Do‘stlik” MFY hududida joylashgan diametri 219 mm bo'lgan 2,1 km gaz tarmog‘ida mukammal ta’mirlash ishlari olib borilmoqda. Ushbu gaz tarmoqlarini almashtirilishi natijasida 3 000 ga yaqin aholi xonadonlarining tabiiy gaz ta’minoti yaxshilanadi. Mazkur hudud yakunlangach, “Iftixor” MFYda ham 0,5 metr gaz quvuri rekonstruksiya qilish rejaga kiritilgan.
Navoiy viloyati:
Joriy yilda Xatirchi tumanida 273, Zarafshon shahrida 147, Navbahor tumanida esa 111 nafar isteʼmolchiga maishiy gaz ballon yetkazish boʼyicha qoʼshimcha shartnoma imzolandi.
Karmana tumani “Nurafshon” MFY hududiga uzluksiz va sifatli elektr energiyasi yetkazib berish uchun 64 dona temir beton tayanchlar o‘rnatilmoqda. Endilikda ushbu mahallaga quvvati 160 kVА bo‘lgan transformator punkti o‘rnatilib, havo tarmog‘i tortish ishlari olib borilmoqda.
Buxoro viloyati:
Vobkent tumanida istiqomat qiluvchi 13 ming nafardan ortiq maishiy gaz balloni foydalanuvchilarining raqamlashtirish texnologiyasidan foydalanish imkoni tug’ildi. Gaz balloniga moslashtirilgan 22 ta mahalla fuqarolar yig‘inida yashovchi aholiga kartalar tarqatilib, to‘lovlar online amalga oshirilmoqda.
Sirdaryo viloyati:
Xovos tumanida joylashgan “Binokor” va “Gulbahor” mahallalarida “Obod mahalla” va “Obod qishloq” dasturiga asosan, yuqori hamda oʻrta bosimli jami 4 dona gaz taqsimlash qurilmasi (GTQ) mukammal taʼmirlandi. 500 mеtr gaz quvurlari toʻliq tartibga kеltirilib boʻyoqlandi.
Fargʻona viloyati:
Margʻilon shahar elektr taʼminoti korxonasi tomonidan Margʻilon shahri “Yangi hayot” mahalla fuqarolar yigʻini hududiga quvvati 250 kVА boʻlgan transformator punktini yakuniy montaj ishlari olib borilmoqda.
Andijon viloyati:
Jalaquduq tumani “Ohunboboev” MFY hududiga 2 dona transformator punkti oʻrnatildi, 1,3 km uzunlikdagi 10kvli havo tarmogʻi hamda 2,7 km uzunlikdagi 0,4 kVli havo tarmogʻi tortildi. Shuningdek, “Tuylas” MFYning Siyovush koʻchasida 10 kV havo tarmogʻi tortish ishlari yakunlandi.
Bundan tashqari, “Guliston” MFY Shalola hamda Ziyokor koʻchalarida 20 dona temir beton tayanchlar oʻrnatildi. “Jalaquduq” MFY oʻramidagi Oybuloq koʻchasiga 30 dona temir-beton tayanchlar oʻrnatilib, zamonaviy SIP kabel tortish ishlari bajarilmoqda.
Hozirda kuz-qish mavsumiga tayorgarlik koʻrish maqsadida tuman elektr taʼminoti korxonasi tomonidan 30 dona transformator punkti, 114 km uzunlikdagi havo tarmogʻi mukammal taʼmirlandi.
532
