“Навоий ИЭС” 12-сонли энергоблокида қарийб 3 ой давом этган ҳамда 400 дан ортиқ ишчи-ходимлар иштирок этган таъмирлаш ишлари якунланди.
Куз-қиш мавсумига тайёргарлик кўриш мақсадида ўтказилган таъмирлаш тадбирлари давомида 12-қозоннинг экран қувурлари тўлиқ янгиланди, буғ пакет қувурлари алмаштирилди, қозон механизмлари, арматуралари жорий таъмирдан чиқарилди. Шунингдек, 12-турбина генераторининг юқори, ўрта ва паст босимли цилиндрлари, подшипниклари капитал таъмирдан ўтказилди, блокда мавжуд бўлган барча насослар тўлиқ таъмирланди.
– Якунланган капитал таъмирдан кўзланган асосий мақсад – энергоблокнинг актив қувватини номинал қийматгача етказиш ҳамда электр энергияси ишлаб чиқариш учун ёқилғи сарфини камайтиришдан иборат, – дейди қозон турбина цехи бошлиғи Х.Хушвақтов.
“Иссиқлик электр станциялари” АЖ Матбуот хизмати
802
