Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 22 oktabr kuni amalga oshirilgan ishlar — ayrim hududlar misolida.
Andijon viloyati:
Izboskan tumanidagi “Tuyachi” MFY hududida 806 nafar suyultirilgan gaz iste’molchilari ID kartalar bilan to‘liq ta’minlangan. Iste’molchilarning 1 111 dona maishiy gaz ballonlariga esa bar-kodli yorliqlar yopishtirilgan.
Asaka tumanidagi “Olaqanot” MFYdagi 680 nafar iste’molchi ham ID kartalardan foydalanishga o‘tgan. Mahalla ahliga yil boshidan beri 98,76 tonna suyultirilgan gaz yetkazib berildi.
Buxoro viloyati:
Qorako‘l tumanida xodimlar hamkor tashkilotlar bilan is gazidan zaharlanishning oldini olish, gaz jihozlaridan to‘g‘ri va oqilona foydalanish maqsadida aholi xonadonlari, ijtimoiy obyektlarda hamda savdo markazlarida bo‘lib, tushuntirishlar berishmoqda.
Buxoro shahridagi “Markaziy” podstansiyasidagi quvvati 25 000 kVA bo‘lgan transformator 63 000 kVAli transformatorga almashtirilmoqda.
Namangan viloyati:
Norin tuman “Rovgot” mahallasi, “Rovgot” ko‘chasida 56 dona temir-beton tayanchlari olib kelinib o‘rnatildi, 2,1 km masofada yangi zamonaviy elektr tarmog‘i tortish ishlari bajarildi.
“Obod qishloq” va “Obod mahalla” dasturlari doirasida Yangi Namangan tumani “Tinchlik” mahalla fuqarolar yig‘ini hududida quvvati 160 kVA bo‘lgan 1584-sonli transformator punktini 250 kVA quvvatlisiga almashtirish ishlari bajarilmoqda.
Mingbuloq tumani “Jomashuy” nimstansiyasida quvvati 10 000 kVA bo‘lgan transformator 16 000 kVA quvvatlisiga almashtirish ishlari bajarilmoqda.
Navoiy viloyati:
Navoiy viloyatida o‘tgan 9 oy mobaynida maishiy gaz ballondan foydalanuvchi iste’molchilar 682 taga ko‘payib, 100 386 nafarga yetdi.
Farg‘ona viloyati:
Rishton tumani “Chuburg‘on” mahalla fuqarolar yig‘ini hududida 50 dan ortiq yangi temir-beton tayanchlari va quvvati 160 kVА bo‘lgan yangi transformator punkti o‘rnatildi.
So‘x tumanining “Sarikanda” mahalla fuqarolar yig‘ini hududida 1 dona yangi transformator punkti o‘rnatildi va 0,4 kVli tarmoq uchun 40 dan ortiq yangi temir-beton tayanchlari o‘rnatildi.
433
