Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 26 oktabr kuni amalga oshirilgan ishlar — ayrim hududlar misolida.
Andijon viloyati:
Аndijon shahar “Ishchilar” MFY o‘ramidagi Hakimov va Temiryo‘l ko‘chalarida 19 dona temir-beton tayanchlari o‘rnatilib, uzunligi 800 metr bo‘lgan SIP kabel tortish ishlari amalga oshirilmoqda.
Buxoro viloyati:
G‘ijduvon tumani “Gulistonobod” MFY hududidagi Boyxotin qishlog‘iga quvvati 160 kVA bo‘lgan transformator punkti o‘rnatildi, 9 ta mustahkam temir-beton tayanchlar qurildi va 400 metr uzunlikdagi elektr uzatish tarmog‘i tortildi.
Namangan viloyati:
Namangan shahar Chinor mahallasiga quvvati 630 kVA quvvatga ega yangi transformator punkti o‘rnatildi.
“Obod qishloq” va “Obod mahalla” dasturlari doirasida Chortoq tuman “Bog‘iston” mahalla fuqarolar yig‘ini hududida yangi, quvvati 160 kVA bo‘lgan transformator punkti hamda temir-beton tayanchlar o‘rnatilib, 1,8 km masofaga zamonaviy “SIP” kabel tarmog‘i tortildi.
Navoiy viloyati:
Navoiy shahar hududidagi mavjud elektr tarmoqlaridagi nosozliklarni aniqlash va uning oldini olish maqsadida, yer ostidan oʻtgan yuqori kuchlanishli kabel tarmogʻining yangilash ishlari olib borilmoqda.
Viloyatda 9 oyda 115 mingdan ortiq iste’molchining gaz jihoziga texnik xizmat ko‘rsatildi.
Qashqadaryo viloyati:
Shahrisabz shahar Oq saroy MFY, Qorasuv ko‘chasidagi elektr tarmog‘ini rekonstruksiya qilish ishlari o‘z nihoyasiga yetkazilmoqda.
Surxondaryo viloyati:
Termiz shahar “Do‘stlik” mahallasida Gaz ta’minoti xodimlari ko‘chalar hamda mahallalar atrofida bo‘lib, bevosita gaz jihozlaridan to‘g‘ri foydalanish tartibi hamda is gazidan zaharlanishning oldini olish yuzasidan targ‘ibot ishlarini olib borishmoqda.
Farg‘ona viloyati:
Beshariq tumanidagi “Chimboy”, “Аbduvay” hamda “Telov” MFYda elektr uzatish tarmoqlarini yangilash va modernizatsiya qilish ishlari amalga oshirilmoqda.
Toshloq tumani “Piyozchilik” mahalla fuqarolar yig‘ini hududida joylashgan 509–sonli transformator punktiga yangi quvvati 160 kVА bo‘lgan transformator punkti o‘rnatildi.
Farg‘ona shahridagi “Ibn Sino” mahalla fuqarolar yig‘ini hududidagi 10 kVli “Salomatlik” uzatmasida yangi temir-beton tayanchlarni o‘rnatish ishlari olib borilmoqda.
Toshkent shahar:
Olmazor tuman “Hazrati Imom” mahallasi hududiga temir-beton tayanchlar olib kelindi va tez orada o‘rnatish ishlari ham boshlab yuboriladi.
Bektemir tumanidagi barcha yerli aholi xonadonlari uch bosqichli tizimdan, ikki bosqichli tizimga o‘tkazilmoqda.
367
