Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 28 oktabr kuni amalga oshirilgan ishlar — ayrim hududlar misolida.
Andijon viloyati:
Shahrihon tumanining “Navbahor” MFY o‘ramidagi Nasriddinov ko‘chasida quvvati 250 kVA bo‘lgan transformator punkti o‘rnatilib, ishga tushirildi.
Buxoro viloyati:
Buxoro viloyatidagi “Paxtakor” podstansiyasida kuz-qish mavsumiga tayyorgarlik va sozlash ishlari bajarilmoqda.
Namangan viloyati:
Namangan tumani Bo‘ston MFY hududida joylashgan nimstansiyaga yangi quvvati 250 kVA bo‘lgan transformator punkti olib kelib, o‘rnatildi.
Navoiy viloyati:
Uchquduq tumanida 9 752 nafar iste’molchi suyultirilgan gaz bilan ta’minlanadi. Joriy yil boshidan buyon aholi gaz ballon orqali 309 tonna 300 kg, quvurlar orqali esa, 1 127 tonna 230 kg suyuq gaz bilan ta’minlandi.
“Obod qishloq” va “Obod mahalla” dasturlari doirasida Navbahor tumani “Keskanterak” MFY hududiga 1 dona transformator punkti o‘rnatildi, 1,5 km uzunlikdagi 0.4 kVli tarmog‘i tortildi.
Surxondaryo viloyati:
Denov tumani “Yurchi” mahallasida joylashgan podstansiya “Shifoxona” 713-sonli transformator punktidan chiquvchi 0,4 kVli elektr uzatish tarmog‘ida temir-beton ustunlar o‘rnatish ishlari amalga oshirilmoqda.
Farg‘ona viloyati:
Viloyatda so‘ngi ikki kun davomida belgilangan rejaga asosan, 12 tuman va shaharga 500 dan ortiq tayanchlar yetkazib berildi.
Buvayda tumanining “Beshterak” hamda “Ozod” mahallariga 50 dan ortiq yangi temir-beton tayanchlari olib kelindi.
Uchko‘prik tuman “Boboshbek” MFY hududidagi mavjud 0,4-10 kVli elektr uzatish tarmoqlarini yangilash maqsadida 50 dan ortiq yangi temir-beton tayanchlari o‘rnatilmoqda.
Bog‘dod tumanida belgilangan loyiha asosida o‘rnatilgan yangi temir-beton tayanchlarga butlovchi qismlar o‘rnatilib, kabel tarmog‘ini tortish ishlariga shay holatga keltirildi.
Toshkent shahar:
Sergeli tuman “So‘g‘diyona” MFY hududida 2,3 km uzunlikda havo tarmog‘i tortilib, 4,5 km uzunlikdagi qismini to‘liq zamonaviy yangi SIP rusumidagi elektr uzatish kabel tarmog‘iga almashtirildi.
“Hududgaz Toshkent” gaz ta’minoti filiali xodimlari FVB hodimlari bilan hamkorlikda is gazidan zaharlanishning oldini olish, qish mavsumida yong‘in xavfsizligi qoidalariga jiddiy e’tibor berish, favqulodda vaziyatlarning oldini olish maqsadida targ‘ibot ishlarini olib borishmoqda.
Uchtepa tuman “Sharq yulduzi” mahallasidagi 2045-sonli transformator podstansiyasidan ta’milanuvchi past kuchlanishli elektr uzatish tarmoqlaridagi eski alyumin simlarni yangi zamonaviy 500 metrdan ortiq SIP kabel tarmoqlariga almashtirildi.
Uchtepa tumanining Abdulla Qodiriy, “Uchtepa”, “Hojabot” mahallalarida gaz ta’minoti xodimlari aholi orasida targ‘ibot-tashviqot tadbirlarini olib borishmoqda.
766
