Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 29 oktabr kuni amalga oshirilgan ishlar — ayrim hududlar misolida.
Andijon viloyati:
“Obod qishloq” va “Obod mahalla” dasturi doirasida Marhamat tuman “To‘lg‘a” MFY hududida 40 dona beton tayanchlar o‘rnatildi, 1 dona quvvati 100 kVА transformator punkti qurildi, 1500 metr uzunlikda SIP kabel tarmog‘i olib kelindi, hozirda tarmoq tortish ishlari davom ettirilmoqda.
Buxoro viloyati:
“Hududgaz Buxoro” gaz ta’minoti filiali tomonidan kuz-qish mavsumiga tayyorgarlik doirasida gaz quvurlari rekonstruksiya qilindi, gaz maromlash qurilmalari taftish qilinib, ta’mirlandi.
G‘ijduvon tuman “Bo‘lakiyon” MFY Abadiy qishlog‘ida 160 kVA quvvatdagi transformator punkti o‘rnatildi, 6 dona temir-beton tayanchlar qurildi va 300 metr uzinlikdagi 10 kVli elektr uzatish tarmog‘i tortildi.
Namangan viloyati:
Kosonsoy tumani “Soycha” MFY “Vodiy” ko‘chasiga 40 ta temir-beton tayanchlar o‘rnatilib, 1,8 km masofaga yangi zamonaviy SIP kabel tarmog‘i tortish ishlari amalga oshirilmoqda.
Yangiqo‘rg‘on tuman “Hurriyat” MFY hududiga 160 kVA quvvatli transformator punkti keltirildi va temir-beton tayanchlar o‘rnatilib, 1,8 km masofaga zamonaviy SIP kabel tarmog‘i tortilmoqda.
Norin tuman “Sirmoq” MFY “Sirmoq” ko‘chasiga 64 ta temir-beton tayanchlar o‘rnatilib, 1,9 km masofaga yangi zamonaviy SIP kabel tarmog‘ tortildi.
Navoiy viloyati:
Navbahor tumani “Yangi obod” MFY hududiga jami 38 dona temir-beton tayanchlar o‘rnatilib, 800 metr 10 kVli hamda 1,4 km uzunlikdagi SIP kabel tarmog‘i tortildi va 1 dona quvvati 100 kVА bo‘lgan transformator punkti o‘rnatildi.
Jizzax viloyati:
Viloyatdagi elektr uskunalarini 2021-2022 yillar kuz-qish mavsumiga tayyorgarlik bo‘yicha tasdiqlangan reja asosida joriy va mukammal ta’mirlash ishlari olib borilmoqda.
Samarqand viloyati:
“Obod qishloq” va “Obod mahalla” dasturlari doirasida Ishtixon tumani “Humo” MFY Chayjovul qishlog‘iga yangi 100 kVli zamonaviy transformator punkti hamda 10 kVli elektr uzatish tarmog‘iga 12 dona va 0,4 kVli past kuchlanishli havo elektr uzatish tarmog‘iga esa 43 dona temir-beton ustunlari o‘rnatildi. Shuningdek, 0,4 kVli past kuchlanishli havo elektr uzatish tarmog‘ining 1,7 km.ga zamonaviy SIP kabellari tortildi.
Sirdaryo viloyati:
Sardoba tumanida joriy yilning 9 oyida 68 km elektr uzatish tarmog‘i va 22 dona transformator punktlari о‘rnatildi.
Surxondaryo viloyati:
Viloyatda o‘rnatilayotgan hisobdonlar aholiga bir qancha qulaylik va afzalliklar bermoqda va to‘lovlarni amalga oshirishda Click, Payme elektron to‘lovlar orqali hamda o‘zlariga yaqin bo‘lgan banklardagi infokioskalar orqali amalga oshirishlari mumkin bo‘ladi.
Termiz shahar “Majnuntol” MFYda gaz ta’minoti bo‘limi xodimlari shahar ahlining xavfsizligini ta’minlash, is gazidan zaharlanish holatlarining oldini olish maqsadida targ‘ibot ishlarini olib borishmoqda.
Denov tumani “Yurchi” mahallasi hududida joylashgan 713-sonli transformator punktidan chiquvchi 0,4 kVli elektr uzatish tarmog‘ida temir-beton ustunlar o‘rnatish ishlari bajarilmoqda.
Muzrabot tumani “Obi xayot” mahallasi xududidagi 0,4 kv ning yangi qurilgan beton tayanchlarga sip tortish ishlari bajarildi.
Toshkent viloyati:
Oqqo‘rg‘on va Piskent tumanlarida kuz-qish mavsumini betalafot o‘tkazish maqsadida keng qamrovli tayyorgarlik va targ‘ibot tadbirlari davom etmoqda.
Toshkent shahar:
Olmazor tuman “Oltinsoy” MFY hududida joylashgan 2016-sonli transformator punktida kamchiliklarni bartaraf etish hamda mukammal ta’mirlash ishlari olib borilmoqda.
Hozirga qadar Toshkent shahrida tabiiy gaz iste’molchilari xonadonlariga 148 697 ta “aqlli” hisoblagichlar o‘rnatildi va shundan 145 973 tasi “Billinggaz” dasturiga ulandi.
Farg‘ona viloyati:
Qo‘qon shahrining “Yangi Chorsu” MFYdagi mavjud 202-sonli transformator punktiga qo‘shimcha o‘rnatilgan yangi transformator punktini foydalanishga topshirish maqsadida 6 kVli yangi kabel tarmog‘ini tortish ishlari bajarilmoqda.
Farg‘ona shahrining “Sohibkor” MFY hududiga yetkazib berilgan yangi temir-beton tayanchlarni o‘rnatish ishlari boshlab yuborildi.
Toshloq tumani “Sadda” MFY hududiga 10 kVli yangi elektr uzatish tarmog‘ini qurish ishlari olib borilmoqda.
Quva tumanining “Quva” MFY hududiga 10 kVli yangi elektr uzatish tarmog‘ini qurish ishlari olib borilmoqda.
Farg‘ona shahrining “Sohibkor” MFY dagi 245-sonli transformator punktiga yangi temir-beton tayanchlarini o‘rnatish ishlari olib borilmoqda.
Beshariq tumanining “Telov” MFY 158–sonli transformator punktiga 0,4 kVli elektr uzatish tarmog‘ida kabel tortish ishlari boshlandi.
So‘x tuman elektr taʼminoti korxonasi tomonidan tumanning “Xushyor” hamda “Sebzor” mahalla fuqarolar yig‘inida 0,4 kVli yangi elektr uzatish tarmog‘iga kabel tortish ishlari boshlandi.
Bugun Qo‘shtepa tumanining “O‘qchi” mahalla fuqarolar yig‘iniga yangi transformator punkti yuborildi. Ushbu transformator punktini loyihada belgilangan hududga o‘rnatilib, tez orada foydalanishga topshirilishi rejalashtirilgan.
909
