Энергетика вазирлиги тизимидаги “Иссиқлик электр станциялар” АЖ Бошқаруви аъзолари ва марказий аппаратининг масъул ходимлари “Сифат менежмент тизими” бўйича ISO 9001:2015 халқаро сертификатини қўлга киритишди.
Бугунги кунда сифатни бошқариш масалалари нафақат республика корxоналари ва ташкилотлари, балки умуман мамлакатнинг иқтисодий манфаатлари диққат марказида. Иқтисодиётнинг барча соҳаларидаги ташкилотларда xалқаро стандартларга мос сифатни бошқариш тизимини жорий этишга катта эътибор қаратилмоқда.
Шундай экан, сифат менежмент тизимини ҳалқаро стандарти ижросини таъминлаш мақсадида “Иссиқлик электр станциялар” АЖ марказий аппарати вакиллари “Cert academy group” халқаро маркази томонидан ўқитилиб, ISO 9001:2015 бўйича халқаро сертификат олинди.
- Жамиятимизда халқаро мақомдаги сифат менежмент тизимини жорий қилиш, сифатга содиқликни намойиш қилиш, истеъмолчилар талабларини максимал даражада қаноатлантиришга интилиш ва ўз фаолиятини доимий яxшилаб бориш имкониятини янада оширади, - деб таъкидламоқда “Иссиқлик электр станциялар” АЖ Бошқарув раиси Фарҳод Абдураҳмонов.
ISO 9001:2015 стандартининг “Иссиқлик электр станциялари” акциядорлик жамиятида жорий этилиши рақобатбардошликнинг стратегик асоси ҳисобланиб, бошқарув ва хизмат кўрсатиш тизимини такомиллаштириш ишлаб чиқариш фаолияти самарадорлигини ошириш, мавжуд молиявий, теxник ва кадр ресурсларидан оқилона фойдаланиш имконини беради.
“Иссиқлик электр станциялар” АЖ Матбуот хизмати.
650
