Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 1 noyabr kuni amalga oshirilgan ishlar — ayrim hududlar misolida.
Buxoro viloyati:
Buxoro viloyatida suyultirilgan gazga moslashtirilgan 33 ta MFYdagi 153 ming 871 nafar iste’molchilarga ID kartalar tarqatildi va 180 ming 26 dona maishiy gaz ballonlariga bar kodli maxsus yorliqlar (stiker) o‘rnatildi.
Namangan viloyati:
To‘raqo‘rg‘on tumani “Kujron” mahallasiga qo‘shimcha 250 kVA quvvatga ega transformator punkti o‘rnatildi.
Namangan shahrida 400 kVA bo‘lgan 80-sonli transformator o‘rniga quvvati 630 kVA bo‘lgan transformator punkti olib kelib, o‘rnatildi.
Yangi Namangan tumani “Mustaqillik 5 yilligi” MFY “Oysara” ko‘chasida yangi temir-beton tayanchlar olib kelib o‘rnatildi.
Navoiy viloyati:
Navbahor tumanida “aqlli” hisoblagichlar o‘rnatish ishlari yakunlandi va bu iste’mol qilingan tabiiy gaz sarfini real vaqt rejimida hisoblab, onlayn nazorat qilish hamda iste’molchilarda to‘lov madaniyati yanada shakllanib tabiiy gaz iste’molining iqtisod qilinishiga xizmat qilmoqda.
Navoiy shahrida kuz-qish mavsumiga tayyorgarlik ishlari doirasida mavjud elektr tarmoqlaridagi nosozliklarni aniqlash va uning oldini olish maqsadida, yer ostidan o‘tgan yuqori kuchlanishli kabel tarmog‘ining yangilash ishlari olib borilmoqda.
“Obod qishloq” va “Obod mahalla” dasturlari doirasida Navbahor tumani “Armijon” MFY hududiga 80 dona temir-beton tayanch olib kelinib o‘rnatish ishlari olib borilmoqda.
Jizzax viloyati:
Zafarobod tumani, Pistalkent MFY, Sherobod ko‘chasida 0,4 kVli elektr uzatish tarmoqlari uchun 13 dona, 10 kVli elektr uzatish tarmoqlari uchun 12 dona temir-beton tayanch ustunlarini o‘rnatildi.
Sirdaryo viloyati:
2021 yil o‘tgan davrida Sayxunobod tumanida 117,5 km elektr uzatish tarmog‘i va 28 dona yangi transformator o‘rnatildi.
Samarqand viloyati:
Pastdarg‘om tumani “Bog‘ishamol” mahallasidagi 7507-transformator punktiga qo‘shimcha 100/10 kVli yangi transformator punkti o‘rnatilib, 2,5 km. masofaga zamonaviy SIP elektr uzatish tarmog‘i tortildi.
Surxondaryo viloyati:
Gaz sohasi xodimlari tomonidan xonadonma-xonadon, maktab va maktabgacha ta’lim tashkilotlariga yurib, is gazidan zaharlanish holatlarining oldini olinishi uchun targ‘ibot ishlarini olib borishmoqda.
Termiz shahrida joylashgan barcha ta’lim muassasalarida is gazidan zaharlanishning oldini olish borasida tushuntirish ishlari olib borilmoqda.
Denov tuman “Yurchi” mahallasida joylashgan 0,4 kVli elektr uzatish tarmog‘ida SIP 2 tortish ishlari bajarildi.
Farg‘ona viloyati:
Quva tumanining “Soyguzar” MFYdagi 499-sonli transformator punktiga o‘rnatilgan yangi temir-beton tayanchlarga butlovchi qismlar o‘rnatilib, kabel tarmog‘ini tortish ishlariga kirishildi.
Farg‘ona shahrining “Navro‘z” ko‘chasida yangi 10 kVli elektr uzatish tarmog‘i tortilmoqda.
Uchko‘prik tumanining “Qumariq” va Yozyovon tumanining “Toshxovuz” MFY hududlariga o‘rnatish uchun yangi transformatorlar olib kelindi.
Rishton tumanining “Qayrag‘och” mahallasidagi mavjud 33-sonli transformator punktiga qo‘shimcha yangi transformator va 10 kVli elektr uzatish tarmog‘i tortildi.
Bog‘dod tumani “Mirzaobod” qishlog‘ida joylashgan 300-sonli transformator punktiga qo‘shimcha quvvati 160 kVA bo‘lgan yangi transformator punkti olib kelib o‘rnatildi. Shuningdek, 60 ga yaqin yangi temir-beton tayanchlari o‘rnatilib, hozirda yangi elektr uzatish tarmog‘i uchun kabel tortish ishlari bajarilmoqda.
Qo‘qon shahrining “Isfaraguzari” MFYda joylashgan 20-sonli transformator punkti yangi quvvati 630 kVA bo‘lgan transformator punktiga almashtirildi.
So‘x tuman “Oftobru” MFYdagi 0,4-10 kVli elektr uzatish tarmoqlariga 30 dan ortiq yangi temir-beton tayanchlarini o‘rnatish ishlari olib borilmoqda.
Toshkent shahar:
Mirobod tumani hududidagi quvvati HL-04 kV bo‘lgan past kuchlanishli elektr uzatish tarmoqlarida yangi temir-beton ustunlar o‘rnatilib, yangi SIP rusumidagi kabel tarmoqlari tortilmoqda.
Xorazm viloyati:
Gaz to‘ldirilgan ballonlar iste’molchiga bar kod va ID karta yordamida topshiriladi. Qo‘shko‘pir tumani Nezaxos mahallasida 1012 ta xonadon maishiy gaz ballonlaridan foydalanib keladi. Yil boshidan beri mahallaga 106 tonna suyultirilgan gaz yetkazib berildi.
613
