Жорий йилнинг 7 ноябрь куни бўлиб ўтган “Samarkand Half Marathon” ярим марафонида Энергетика вазирининг биринчи ўринбосари Азим Ахмедхаджаев иштирок этди.
Лойиҳанинг асосий мақсади – жамоатчилик эътиборини мамлакатнинг маданият ва санъат объектларидаги мавжуд муаммоларига тўғридан-тўғри қаратиш, шунингдек, Ўзбекистонда соғлом турмуш тарзини оммалаштириш ва спорт туризмини ривожлантиришдан иборат.
Самарқанд ярим марафони ташкилотчилари “иккитаси бирда” – ҳам саломатлик учун спорт мусобақаси, ҳам хайрия лойиҳаси сифатида ташкил этилган. Ташкилотчилар – Маданият вазирлиги ва унинг ҳузурида фаолият юритувчи Маданият ва санъатни ривожлантириш жамғармаси, Туризм ва спорт вазирлиги ҳамда Самарқанд вилояти ҳокимлиги.
Мазкур марафонда Ўзбекистон Энергетика вазирлиги томонидан икки нафар иштирокчи қатнашиб, ушбу хайрли ишни қўллаб-қувватлади ва унда 10 км масофани босиб ўтди. Вазирнинг биринчи ўринбосари эндиликда йил сайин Энергетика вазирлигидан ҳам иштирокчилар кўпайиб боришини таъкидлади.
Ярим марафондан тушган маблағлар ногиронлиги бўлган шахсларни маданият муассасаларига ишга жойлаштиришга йўналтирилади.
Ўзбекистон Республикаси
Энергетика вазирлиги Матбуот хизмати
647
