Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 9 noyabr kuni amalga oshirilgan ishlar — ayrim hududlar misolida.
Jizzax viloyati:
Forish tumani Oybek MFY hududi 1 dona quvvati 160 kVA bo‘lgan transformator punkti o‘rnatildi.
Sharof Rashidov tumani Yangidiyor MFY hududida 10 kVli elektr uzatish tarmoqlarini qurish ishlari amalga oshirilmoqda.
Navoiy viloyati:
Joriy yilda Navbahor tumanida iste’molchilar soni oshib, 111 nafar fuqaro bilan gaz balonni yetkazish bo‘yicha qo‘shimcha shartnoma imzolandi. Ularga ham tegishli tartibda ID-kartalar taqdim qilinib, gaz xaridi uchun hisob-kitobda avtomatlashtirilgan tizim imkoniyatlaridan foydalanilmoqda.
Shaharda tabiiy gaz bilan ta’minlanadigan 4 ta – “Marmarobod”, “Tumar”, “Guliston” va “Shayxon” mahallalari mavjud bo‘lib, iste’molchilarga 1005 dona “aqlli” hisoblagich o‘rnatildi.
Qashqadaryo viloyati:
Shahrisabz shahar Choshtepa MFY hududida 25 dona temir-beton ustunlari o‘rnatilmoqda.
Sirdaryo viloyati:
Insonlarning is gazidan zaharlanish holatlarini oldini olish, yong‘in xavfsizligini ta’minlash va boshqa nohush holatlarni oldini olish maqsadida Guliston shahridagi 24 ta mahallalarda olib borilayotgan profilaktik-targ‘ibot tadbirlari davom etmoqda.
Surxondaryo viloyati:
Viloyatda ID-kartalardan va bar-kodli yorliqlardan foydalanish va shuningdek, is gazidan zaharlanish holatlarini oldini olish, yong‘in xavfsizligini ta’minlash bo‘yicha profilaktik-targ‘ibot tadbirlari olib borilmoqda.
Denov tumani Yurchi mahallasi hududida joylashgan podstansiya Shifoxona 713-raqamli transformator punktidan chiquvchi 0,4 kVli elektr uzatish tarmog‘ida rekonstruksiya (SIP2 3x35 tortish) ishlari bajarildi.
Toshkent shahar:
Olmazor tumani Taraqqiyot MFY ko‘chasiga yangi transformator punkti ishga tushirildi.
530
