Buxoro viloyatida O‘zbekistonning eng yirik gaz konlaridan biri - “Gazli”ning 65 yillik yubileyi munosabati bilan tadbir bo‘lib o‘tdi.
Tadbirda O‘zbekiston Respublikasi Energetika vazirligi,“Gazli Gas Storage” kompaniyasi xodimlari, kon tarixiga asos solgan faxriy xodimlar, “O‘zlitineftegaz”, ERIELL Group va boshqa idora va tashkilotlar vakillari ishtirok etdi.
Tadbir avvalida “Gazli Gas Storage” vakillari ko‘p yillar davomida “Gazli” konida mehnat qilgan faxriylarni qutladi. Ularning mehnati uchun minnatdorlik ramzi sifatida faxriy xodimlarga esdalik sovg‘alari topshirildi.
Tantanali marosim ochilishida “Uzlitineftegaz” AJ raisi ishtirok etib, u konning o‘tgan asrning 50-yillari o‘rtalaridan boshlangan tarixiga murojaat qildi. O‘z nutqida “Gazli”ning ulkan va boy tarixiga asos solgan barcha xodimlarni xotirladi.
Tadbirda kon faxriylari ham so‘zga chiqdi. Ular orasida Olimjon Zakirov, G‘ani Ikramov, Ne'matjon Obidov, Kenjibay Erdashev va boshqalar ham bor. Ular shuningdek konda ishlagan yillari xotiralari bilan o‘rtoqlashib, “Gazli Gas Storage” rahbariyatiga barcha faxriylarga ko‘rsatilgan e'tibor va bayramona kayfiyat uchun minnatdorlik bildirdi.
Umuman olganda hamkorlik davrida 16 ta neft va gaz qudug‘i qurilish bilan tugallanib, bu “Gazli Gas Storage” qisqa muddatlarda “Gazli” konida tabiiy gaz qazib chiqarishni tashkil qilish va neft qazib chiqarishni oshirish imkonini bergani qayd etildi. Yer osti gaz ombori (YOGO) uchun 15 ta quduq burg‘ulandi, 48 ta quduq kapital ta'mirlandi. Tuzilgan shartnomalar bo‘yicha ishlar davom ettirilmoqda.
642
