Ҳурматли энергетика, нефть-газ саноати ва геология ходимлари касаба уюшмаси ходимлари!
Сизларни мамлакатимизда илк бор нишонланаётган “Касаба уюшмалари куни” муносабати билан самимий муборакбод этамиз.
Шуни алоҳида таъкидлаш керакки, қисқа фурсат ичида Янги Ўзбекистоннинг янги касаба уюшмалари шаклланди.
Жумаладан, юртимизда олиб борилаётган кучли ижтимоий ҳимоя сиёсати, инсон ҳуқуқ ва манфаатларини таъминлашдек устувор вазифаларни уддалашда Ўзбекистон энергетика, нефть-газ саноати ва геология ходимлари касаба уюшмаси Республика Кенгашининг ҳам ўрни беқиёс.
Мустақил Ўзбекистон тарихида Давлат раҳбари томонидан илк маротаба йўлланган табрикда Ўзбекистон касаба уюшмаларининг мамлакатимиз ижтимоий ҳаётидаги улкан ўрни ва аҳамиятини эътиборга олиб Қурултой ўтган 11 ноябрь санасини Республикамизда касаба уюшмалари куни деб белгилаш ва соҳа учун замонавий билим ва малакага эга бўлган, ижтимоий муносабатлар назарияси ва амалиётини, бу борадаги халқаро тажрибани пухта биладиган етук кадрларни тайёрлаш мақсадида Касаба уюшмалари академиясини ташкил этиш таклифларини барча ҳаяжон ва қувонч билан кутиб олди.
Бугунги кунда Ўзбекистон энергетика, нефть-газ саноати ва геология ходимлари касаба уюшмаси Республика Кенгаши таркибида 342 та бошланғич касаба уюшма ташкилотини бирлаштирган бўлиб, унинг аъзолари сони 190 минг нафардан ортиқни ташкил қилади. Республика Кенгаши томонидан энергетика, нефть-газ саноати ва геология соҳаси ишчи ва хизматчиларининг ҳуқуқ ва манфаатларини ҳимоя қилиш, уларни ижтимоий жиҳатдан қўллаб-қувватлаш борасидаги ишлари алоҳида таҳсинга сазовор.
Энергетика вазирлиги ва Ўзбекистон энергетика, нефть-газ саноати ва геология ходимлари касаба уюшмаси Республика Кенгаши билан ҳамкорликда ёқилғи-энергетика комплекси соҳасида фаолият юритаётган ходимларни қўллаб-қувватлаш борасидаги ишларни тизимли равишда давом эттиради.
Халқ хизматида мустаҳкам бел боғлаган сиз каби жонкуяр ва фидойи ходимларни байрам билан самимий муборакбод этамиз. Сизларга сиҳат-саломатлик, масъулиятли ва серқирра фаолиятингизда улкан зафарлар тилаймиз.
Энергетика вазири А.Султанов
1126
