Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 11 noyabr kuni amalga oshirilgan ishlar — ayrim hududlar misolida.
Buxoro viloyati:
Buxoro viloyatidagi barcha elektr energiyasi iste’molchilarini kuz-qish mavsumida barqaror elektr energiyasi bilan ta’minlash maqsadida “ATK” 35/10 va “Sharq” 35/6 podstansiyalarida sinov va sozlash ishlari olib borildi.
Peshku tumanida is gazidan zaharlanishning oldini olish bo‘yicha targ‘ibot tadbirlari davom etmoqda. Tutun mo‘ri konlaridan noto‘g‘ri foydalanayotganlar aniqlanib, ularga aniq ko‘rsatmalar berilmoqda.
Jizzax viloyati:
Zomin tumani Dashtobod shaharchasida o‘tkazilgan profilaktik tadbirlar davomida 300 ga yaqin xonadonning yong‘in va is gazidan zaharlanish holatlariga qarshi holati o‘rganib chiqildi.
Navoiy viloyati:
Navoiy shahrida 31 ta mahallada 45 911 nafar iste’molchi tabiiy gaz bilan ta’minlangan, shundan ko‘p qavatli uylar 671 tani tashkil etadi. Shaharda isitish mavsumini betalofat o‘tkazish maqsadida har bir mahallada, ko‘chada, xonadonma-xonadon yurib, muntazam ravishda targ‘ibot tadbirlari o‘tkazilmoqda.
Samarqand viloyati:
Urgut tumani “Vag‘ashti” mahallasidagi 741-transformator punktiga qo‘shimcha yangi transformator punkti o‘rnatildi. Shuningdek, 20 dona temir-beton ustunlari va 1,5 km. uzunlikda havo elektr uzatish tarmog‘i tortildi.
Surxondaryo viloyati:
Muzrabot tuman “Obi hayot” mahallasi xududida joylashgan “Taskent” podstansiyasida 0,4 kvli SIP kabel tortish ishlari yakunlandi.
Denov tuman “Buyuk ipak yo‘li” mahallasida joylashgan 201-sonli transformator punktiga 0,4 kVli kommutatsion apparatlarni ulash va demontaj qilish ishlari bajarildi.
Toshkent shahar:
Uchtepa tumanida joriy yil “O‘rikzor”, “Almoniy” hamda “Zulfizar” MFYlarda jami 12 dona turli quvvatdagi transformator punktlari o‘rnatilib, 44,5 km.dan ortiq uzunlikda 0,4-10 kVli yangi elektr uzatish tarmoqlari tortildi.
Uchtepa tumani “O‘rikzor” MFY da quvvati 10 kV kuchlanishga ega bo‘lgan yangi transformator punkti o‘rnatilgan bo‘lsa, 3,2 km uzunlikda 0,4-10 kVli yangi elektr uzatish tarmoqlari tortildi.
Uchtepa tumani “Beshqayrag‘och” MFYda yuklama bilan ishlab kelayotgan transformator o‘rniga yangi transformator punkti o‘rnatilib, 0,7 km uzunlikda 0,4-10 kVli yangi elektr uzatish tarmoqlari tortildi.
Toshkent viloyati:
Bekobod tumanidagi MFYlarda kuz-qish mavsumini betalafot o‘tkazish va sodir bo‘lishi mumkin bo‘lgan yong‘inlarni oldini olish hamda is gazidan zaharlanishlarni oldini olishga qaratilgan profilaktik ishlar amalga oshirildi.
385
