Qarshi shahar “Obodonlashtirish boshqarmasi”ga qarashli Tashqi yoritish tizimidan foydalanish uchastkasida Energetika vazirligi tomonidan tasdiqlangan 2021-yil davomida budjet tashkilotlarida o‘tkaziladigan tekshirishlar reja-jadvaliga asosan “O‘zenergoinspeksiyasi” Qashqadaryo hududiy bo‘limi tomonidan tekshiruv o‘tkazildi.
Tekshiruv davomida energiya iste’mol qilish sohasida normativ-huquqiy hujjatlar va texnik qoidalar va normalar talablariga rioya qilinishi, uskunalarning texnik holati, ekspluatatsiyani tashkil qilish bo‘yicha bir qator kamchiliklar aniqlandi. Xususan, elektr qurilmalarda joriy va mukammal ta’mirlash, profilaktika ishlari o‘tkazilmaganligi, xodimar bilan ishlash bo‘yicha reaktiv quvvat kompensatsiyasi bo‘yicha ishlar yo‘lga qo‘yilmaganligi, elektr energiyasini iqtisod qilish va undan oqilona foydalanish bo‘yicha tashkiliy va texnik chora-tadbirlar ishlab chiqilmaganligi ma’lum bo‘ldi.
Bundan tashqari, uchastkaga qarashli obyektlarida ishlab turgan 14 ta transformator punktlari elektr ta’minoti shartnomasiga kirmaganligi, 1 dona 0,25 kVt quvvatli yoritgichlar hisoblagichdan tashqari ulanganligi aniqlanib, “Qashqadaryo HET” AJ xodimlari ishtirokida qoidabuzarlik dalolatnomasi rasmiylashtirildi va jami quvvati 360 kVAli 3 dona TPlar va 0,25 kVtli elektr qurilma tekshiruv davrida Qarshi SHETK xodimlari tomonidan elektr ta’minot shartnomasiga kiritilgunga qadar tarmoqdan ajratilib qo‘yildi. Jami elektr ta’minot korxonasiga etkazilgan zarar miqdori – 151 076,1 kVt.s (67 984 245 so‘m) ni tashkil etishi ma’lum bo‘ldi.
Vaholanki, xuddi shunday qoidabuzarliklar uchun avval ham inspeksiya ishtirokida dalolatnomalar rasmiylashtirilib, tegishli ko‘rsatmalar berilgan bo‘lsada, boshqarma mas’ullari tomonidan kamchilkilarni bartaraf etish uchun tegishli choralar ko‘rilmagan.
Qoidabuzarliklarni oldini olish maqsadida iste’molchiga va elektr ta’minot korxonasi mas’ullariga tegishli ko‘rsatmalar berildi. O‘rganishlar davom etmoqda.
“O‘zenergoinspeksiyasi” Matbuot xizmati
517
