Ҳурматли истеъмолчилар. Хабарингиз бор, энергия ресурсларига талаб кучаядиган куз-қиш мавсумида аҳолига тезкор маълумот бериш, мурожаатларни ўз вақтида ҳал этиш, шу орқали аҳоли билан самарали мулоқотни йўлга қўйиш мақсадида Энергетика вазирлиги ҳузурида матбуот штаби ташкил этилган. Унинг доирасидаги бугунги мурожаатда об-ҳавонинг кескин пасайиб кетиши натижасида аҳоли ва ижтимоий соҳа объектларини энергия ресурслари билан таъминлаш бўйича олиб борилаётган тадбирлар ҳақида маълумот берилади.
Фавқулодда вазиятлар вазирлиги маълумотига кўра, Республикамиз ҳудудида 2021 йил 16-18 ноябрь кунлари нам ва совуқ ҳаво кузатилиб, кечаси -5 -8С, шимолий ҳудудларда -12 -15С гача совуқ бўлиб, шамол тезлиги секундига17-28 метргача кучаяди.
Вазирлар Маҳкамасининг 2018 йил 12 январдаги 22-сон қарорининг “Табиий газдан фойдаланиш қоидалари”, 7–боб 58-банди ҳамда улгуржи ва Автомобилларга газ тўлдириш компрессор станцияларига табиий газ етказиб бериш тўғрисида расмийлаштирилган икки томонлама шартнома шартларидан келиб чиқиб, вилоят ҳокимликлари томонидан тасдиқланган жадвалга асосан автомобилларга газ тўлдириш компрессор шохобчаларида чекловлар жорий қилинади.
Бундан мақсад – биринчи навбатда табиий газ етказиб берилиши муҳим ҳисобланган аҳоли, шифохона, мактаб ҳамда мактабгача таълим ташкилоти каби аҳамиятга эга муассасалар, шунингдек, электр энергияси ишлаб чиқарувчи йирик станцияларнинг табиий газ таъминотида барқарорлигини таъминлашдан иборат.
Ҳурматли истеъмолчилар, вактинчалик чеклов чоралари ҳаво ҳарорати бироз кўтарилгунга қадар давом этади ҳамда АГТКШ тез орада аввалги тартибда ишлаш режимига ўтишини маълум қиламиз.
Вақтинчалик ноқулайликлар учун узр сўраймиз!
1685
