Ассалому алайкум, ҳурматли электр энергияси истеъмолчилари!
Бугундан “Матбуот-штаби” томонидан электр энергияси таъминоти хусусида кунлик маълумотлар бериб борилишини маълум қиламиз.
Жорий йилнинг 17 ноябрь куни истеъмолчиларни электр энергияси билан таъминлаш бўйича амалга оширилган ишлар юзасидан маълумот бериб ўтамиз.
Хусусан, кеча иссиқлик электр станциялари ва гидроэлектр станциялари орқали 221 миллион 900 минг киловатт-соат электр энергияси ишлаб чиқарилди. Шундан республика истеъмолчиларига электр энергияси импорти ҳисобига 229 миллион киловатт-соат электр энергияси етказиб берилди.
Мамлакатимизнинг турли ҳудудларида куни кеча бўлиб ўтган кучли шамол, қор бўрони оқибатида ҳаво электр тармоқлари ҳамда трансформатор пунктларига етказилган шикаст натижасида республикамизнинг турли ҳудудларида электр энергияси таъминотида вақтинча узилишлар кузатилди.
“Ҳудудий электр тармоқлари” АЖ навбатчилик қисмига электр энергияси таъминоти бўйича истеъмолчилар томонидан Қашқадарё, Самарқанд, Тошкент ва Фарғона вилотларидан турли ҳудудларидан мурожаатлар келиб тушди. Мурожаатлар ҳудудлардаги масъул мутахассисларга етказилиб, муаммо тегишли хизматларни тезкор жалб қилган ҳолда ижобий ҳал этилмоқда.
Истеъмолчиларга барқарор электр энергиясини етказиб бериш мақсадида, ҳаво электр тармоқларидаги ҳамда ерости кабель тармоқларидаги авария ҳолатларини аниқлаш ва жойлардаги мавжуд электр энергиясини тақсимлаш трансформатор пунктларида таъмирлаш ишларини олиб бориш каби вазифалар бажарилди.
Тармоқларда содир бўладиган авариявий ўчишларни тезкор бартараф этиш мақсадида “Ҳудудий электр тармоқлари” АЖ томонидан аввалдан ҳудудларда жами 504 та тезкор авариявий чиқиш бригадалари, уларга 483 тадан ортиқ махсус авариявий чиқиш машиналари, махсус техникалар ҳамда раҳбар ходимлардан иборат навбатчилик ташкил этилган бўлиб, содир бўлган авариявий ҳолатлар тун-у кун ташкил этилган навбатчи бригадалар томонидан техника хавфсизлик қоидаларига амал қилган ҳолда таъмирлаш-тиклаш ишлари олиб борилмоқда. Айни вақтда электр энергияси таъминотидан вақтинча узилган истеъмолчиларни босқичма-босқич тармоққа қайта улаш ишлари олиб борилмоқда
Қадрли юртдошлар, ҳурматли электр энергияси истеъмолчилари!
Об-ҳаво инжиқликлари натижасида етказилган зарар оқибатида келтирилган ноқулайликларни тезкорликда бартараф этиш мақсадида энергетика тизими тармоқлари томонидан барча чоралар кўрилаётганлигини маълум қиламиз.
“Ҳудудий электр тармоқлари” АЖ фаолияти доирасида жисмоний ва юридик шахслардан келиб тушаётган мурожаатларни тезкор ҳал этиш мақсадида Жамият қошида 1154 қисқа рақамли колл-маркази тун-у кун фаолият юритаётганини эслатиб ўтамиз.
Шунингдек, Жамиятнинг телеграмм ижтимоий тармоғидаги “Ҳудудий электр тармоқлари” АЖ билан мулоқот канали орқали электр энергияси таъминотидаги муаммолар юзасидан мурожаатлар юборилиши мумкин
Эътиборингиз учун раҳмат!
“Ҳудудий электр тармоқлари” АЖ Матбуот хизмати
759
