Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 19 noyabr kuni amalga oshirilgan ishlar — ayrim hududlar misolida.
Andijon viloyati:
Oltinko‘l tumaniga 6 dona quvvati 250/10 kV bo‘lgan transformator punktlari olib kelindi.
Buxoro viloyati:
Buxoro shahar “Moxixossa” MFY “Moxixossa” ko‘chasiga qo‘shimcha ravishda quvvati 400 kVA bo‘lgan transformator punkti va 45 dona mustahkam temir-beton tayanchlari o‘rnatildi.
Vobkent tumanida 13 ming nafardan ortiq suyultirilgan gaz bilan ta’minlanib kelayotgan xonadonlar bo‘lib, ularga yil boshidan to bugunga qadar 1882,2 tonna ta’minot yetkazildi.
Jizzax viloyati:
Jizzax viloyatida elektr tarmoqlarida mukammal ta’mirlash ishlari olib borilmoqda. Joylarda trasnformator punktlari, temir-beton tayanch ustunlari o‘rnatish, elektr uzatish tarmoqlarini tortish ishlari izchillik bilan davom ettirilmoqda.
Namangan viloyati:
“Mahallabay” ishlash mexanizmi bo‘yicha har bir mahallani kunlik suyultirilgan gaz bilan ta’minlash choralari ko‘rilmoqda. Joriy yilning 17-18 noyabr kunlari 100 ta MFYdagi suyultirilgan gaz iste’molchilariga jami 370,3 tonna suyultirilgan gaz yetkazib berildi.
Norin tumani “Nuri-ziyo” MFY “Yangi asr” ko‘chasiga 203 dona temir-beton tayanchlar, 8,4 km masofaga yangi SIP kabel tortildi.
Navoiy viloyati:
“Hududgaz Navoiy” gaz ta’minoti filialida 24 soat rejimda 79-222-01-41 raqamli “Call Center” markazi tashkil etildi.
Navoiy viloyatida iste’molchilarga o‘rnatilgan ana shunday “aqlli” hisoblagichlar soni 100 mingdan oshdi. Shundan 99 751 ta hisobdon haqidagi ma’lumotlar maxsus bazaga kiritildi.
Samarqand viloyati:
Jomboy tuman “Shirinkent” mahallasidagi 9835-transformator punktining 0,4 kVli past kuchlanishli havo elektr uzatish tarmog‘iga 30 dona temir-beton ustunlari o‘rnatilib, 1,4 km. masofaga zamonaviy SIP-2 kabellari tortildi.
“Aqlli” hisoblagichlar o‘rnatish ishlari boshlangandan buyon viloyatda 131 703 ta elektron hisoblagichlar ajratilgan bo‘lib, bugungi kunga qadar, viloyat miqyosida 126 827 ta tabiiy gaz iste’molchilari xonadonlariga elektron gaz hisoblagichlar o‘rnatildi. 126 514 ta iste’molchilarning gaz hisoblagichlari “BillingGaz” tizimiga ulandi.
Sirdaryo viloyati:
Xovos tumanidagi “Farxod” mahallasiga SV 10,5 va SV 9,5 markali 25 dona temir-beton ustunlar olib borildi. “Karvon Saroy” mahallasida belgilangan rejaga asosan 1 km 500 metr SIP 2 va 1 km 300 metr masoda SIP 4 xavo tarmoqlari qurish ishlari bajarildi.
Farg‘ona viloyati:
Buvayda tuman “Beshterak” MFY hududiga 25 ga yaqin temir-beton tayanchlari o‘rnatildi, “Xonobod” MFY hududida 10 kVli yangi qurilayotgan elektr uzatish tarmog‘iga 0.3 km uzunlikda sim tortish ishlari bajarildi. “Bumozor” MFY yangi 10 kVli elektr uzatish tarmog‘i uchun butlovchi uskunalarni o‘rnatildi.
Quva tuman “Baynalminal” MFYda o‘rnatilgan yangi temir-beton tayanchlariga 0,4 kVli tarmoq uchun kabel tortish ishlari bajarildi.
O‘zbekiston tuman “Elchi” va “Bo‘ston” MFYlarda elektr tarmoqlarini yangilash va modernizatsiya qilish ishlari jadallik bilan bosqichma-bosqich olib borilmoqda.
Farg‘ona shahrining “Beshbola” MFY hududiga o‘rnatilgan yangi temir-beton tayanchlariga kabel tarmoq tortish ishlari davom etmoqda.
Toshloq tuman “Uchalish” MFYda 30 dan ortiq yangi temir-beton tayanchlarini o‘rnatish ishlari bajarilmoqda.
Qo‘qon shahar “Shayxon” MFY hududiga yangi o‘rnatilgan transformator punktiga hududda joylashgan 110/35/6 kVli “Furqat” nimstansiyasidan yangi kabel tarmog‘ini tortish ishlari bajarilmoqda.
Oltiariq tuman “Jarqo‘rg‘on” MFY hududida 10 kVli yangi tarmoq tortish ishlari bajarilmoqda. “Ibn Sino” MFYga yangi o‘rnatilgan temir-beton tayanchlarga 0,4 kVli kabel tarmog‘ini tortish ishlari olib borilmoqda.
Farg‘ona shahar “Navro‘z” ko‘chasiga dastur asosida yangi o‘rnatilgan tayanchlarga kabel tarmoqlarini tortish ishlari bajarilmoqda.
Toshloq tumani “Sadda” MFY ga o‘rnatilgan yangi transformator punktini yakuniy montaj qilish ishlari bajarilmoqda.
Toshkent shahar:
35/10/6 kV li “Xadra” podstansiyasida kuz-qish mavsumiga mukammal va joriy ta’mirlash ishlari olib borilmoqda. Shuningdek, 2ta 25000 kVAli yuqori kuchlanishga ega bo‘lgan transformatorida ham mukammal ta’mir ishlari olib borilmoqda.
714
