Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 24 noyabr kuni amalga oshirilgan ishlar — ayrim hududlar misolida.
Buxoro viloyati:
Viloyatda 287 ta MFY iste’molchilari gaz ballonlari bilan ta’minlanmoqda. Iste’molchilar maxsus ID kartalar orqali to‘lovni amalga oshirish imkoniga ega bo’lgan.
Namangan viloyati:
Uchqo‘rg‘on tumani “Sohil” MFY “Nihol-3” ko‘chasida 4,2 km yangi tarmoq qurildi hamda 400 kVAli transformator punkti o‘rnatildi.
Namangan viloyatining shahar va tumanlarida “Mahallabay” ishlash tizimi bo‘yicha ishlash mexanizmi joriy etilgan bo‘lib, bunda har bir mahalla ko‘chalarini kunlik suyultirilgan gaz bilan ta’minlash choralari ko‘rilmoqda.
Navoiy viloyati:
“Obod qishloq” va “Obod mahalla” dasturlari doirasida Qiziltepa tumani “Zarmitan” MFY hududiga jami 70 dona temir-beton tayanchlar o‘rnatilib, 3 km uzunlikdagi SIP kabel tarmog‘i tortildi va 1 dona quvvati 100 kVА bo‘lgan transformator punkti o‘rnatildi.
Sirdaryo viloyati:
Boyovut tuman “Navro‘z” mahallasiga temir-beton ustunlar olib borildi. Shuningdek mahalladagi transformatorlarni yukini yengillashtirish maqsadida, 250 kVA quvvatdagi transformator punkti o‘rnatildi.
Surxondaryo viloyati:
Denov tumani “Quyushli yurt” mahallasi hududida joylashgan Denov podstansiyaning 608-sonli transformato punktida temir-beton ustunlari o‘rnatildi.
Farg‘ona viloyati:
Dang‘ara tuman “Qiyaliqo‘rg‘oncha” MFYda yangi qurilgan elektr uzatish tarmog‘iga iste’molchilarni ulash, “Boybo‘ta” MFY da temir-beton tayanchlarga butlovchi elektr qurilmalarni o‘rnatish, “Chinobod” MFYda esa 10 kVli elektr uzatish tarmog‘i uchun yangi temir-beton tayanchlarini o‘rnatish ishlari bajarilmoqda.
Quva tuman “Soykeldi” MFYda 10 kVli yangi elektr uzatish tarmog‘i uchun temir-beton tayanchlarini o‘rnatish va “Baynalminal” MFYda yangi elektr uzatish tarmog‘iga kabel tortish hamda, iste’molchilarni yangi tarmoqqa ulash ishlari olib borilmoqda.
Qo‘shtepa tuman “O‘qchi” MFY 285-sonli transformator punkti hududida yangi qurilgan elektr uzatish tarmog‘iga 0,5 km uzunlikdagi kabel tortish hamda iste’molchilarni yangi tarmoqqa ulash ishlari olib borilmoqda.
Farg‘ona tuman “Maydon” MFYdagi 189-sonli transformator punkti hududida yangi qurilgan elektr uzatish tarmog‘iga 0,5 km uzunlikdagi kabel tortish ishlari olib borilmoqda.
617
