Кичик телетомошабин ва уларнинг ота-оналарига ёқиб қолган “Қувват” мультсериалини энди Алишер Навоий номидаги кино саройида томоша қилиш мумкин. Кириш бемалол.
Кичик Тоҳир, синглиси Зуҳра ва уларнинг дўсти “Қувват” исмли робот ҳақидаги мультфильм ўзбек томошабинларига жуда ёқиб қолди. Сериалда болаларнинг қизиқарли саргузаштлари орқали ҳаётимиздаги жуда муҳим ва долзарб мавзу тўғрисида ҳикоя қилинади. Масалан, нима учун ва қандай қилиб сув, электр қувватини тежаш керак? Қаҳрамонлар ўртасида мулоқотларда айнан шу манбалар хақида жавоб олиш мумкин.
Таъкидлаш керакки, сериал Энергетика вазирлиги ва “Ўзбекнефтгаз” акциядорлик жамияти ташаббуси билан яратилмоқда.
“Қувват” сериалининг 8 та мультфильми А.Навоий номидаги кино саройида 26 октябрдан 29 октябргача бўлиб ўтадиган акция доирасида намойиш этилади. Акция “Ўзбеккино” томонидан ташкил этилган ва Халқаро анимация кунига тўғриланган.
Ўзбекистон Республикаси
Энергетика вазирлиги матбуот хизмати.
1311
