Бугун, 27 ноябрь куни Энергетика вазирилиги ҳодимлари томонидан Тошкент шаҳрининг Яшнобод туманидаги “Алимкент” кўчаси ҳудудида “Яшил макон” умуммиллий лойиҳаси доирасида кўкаламзорлаштириш тадбири бўлиб ўтди.
Экология ва атроф муҳитни асраш – бугунги куннинг долзарб вазифаларидан бирига айланмоқда. Хусусан, глобал иқлим ўзгариши каби бир қатор муаммолар бугун жаҳон ҳамжамиятини ташвишга солмоқда.
Шу муносабат билан, юртимизда ўтказилаётган ободонлаштириш ва кўкаламзорлаштириш тадбирлари доирасида Энергетика вазирлиги ҳам фаол иштирок этмоқда. Хусусан, шаҳар иқлимига мос бўлган кўчатлар экилишига алоҳида эътибор қаратилиб, Яшнобод туманидаги “Алимкент” кўчаси ҳудудига 1 700 тупга яқин мевали ва манзарали дарахт кўчатлари экилди. Шунингдек, пиёдалар йўлаклари янгидан қурилди.
Қайд этиш керакки, Энергетика вазирлиги ва вазирлик тизимидаги барча ташкилотлар томонидан республика ҳудудлари бўйлаб бу каби тадбирлар мунтазам равишда давом эттирилмоқда.
Ўзбекистон Республикаси
Энергетика вазирлиги Матбуот хизмати
983
