ОAВ ходимлари учун шу йўналишда тадбир ташкил қилингани бежиз эмас. Чунки Фарғона водийси вилоятлари Республикамиз истеъмолчиларининг салмоқли қисмини ташкил этади. Пресс-турда дастлабки манзил “Оҳангарон” Газ сиқув компрессор станцияси(КС)га бўлди. Бу КС орқали Янгиер - Оҳангарон магистрал газ қувуридан келувчи табиий газнинг босими оширилиб водий вилоятларига узатиб берилади. Журналистлар станция агрегатларининг иши ва диспетчерлик фаолиятини кўздан кечирдилар.
Тадбир иштирокчилари Оҳангарон-Пунгон магистрал газ қувури бўйлаб юришди. Оҳангарон-Пунгонқувурнинг 80 км қисми Қамчиқ довони орқали ўтади. Йиллик газ ўтказиш қуввати 10 млрд м3 ни ташкил қилувчи мазкур магистрал газ қувурга Фарғона МГҚБ хизмат кўрсатади. Қувурнинг 80-километрида жойлашган мажмуа тоғ тепасида жойлашган. Журналистлар шу нуқтани бориб кўрдилар. Бу жойда табиий газ таркибидаги ҳар-хил ёт моддалар ва суюқликларни ушлаб қолувчи агрегатлар ва газни иситиш печлари бор. Aгрегатлар ёрдамида қиш мавсумида магистрал газ қувурида гидрат чўкмалар хосил бўлиши ва музлашининг олди олинади.
Навбатдаги объект “Шимолий Сўх” газни ер остида сақлаш иншоотига бўлди. Мутахассислар иншоотнинг аҳамияти ва фаолияти ҳақида тушунчалар берди. Бу ерда компрессор станцияси ҳам бор ва унда Оҳангарон-Фарғона магистрал газ қувурларидан келувчи газ тозаланиб, босими кучайтирилади ва яна магистрал газ қувурига узатилади. Станциядаги ҳар бир агрегатнинг лойиҳавий қуввати бир кеча-кундузда 11 млн м 3 табиий газни узатиш имконига эга.
Марғилон Газ тақсимлаш станцияси фаолияти ҳам журналистларда таассурот қолдирди. Фарғона МГҚБ тасарруфида бу каби станциялардан 116 та. Марғилон ГТС жорий йилда реконструкция қилинди. Бу каби станцияларда магистрал газ қувуридан келадиган юқори босимли газ босими пасайтирилиб, тозаланади, ўлчанади ва ҳидлантирилиб "Ҳудудгазтаъминот" АЖ тармоғига ёки улгуржи истеъмолчиларга юборилади. Пресс-турнинг тўлиқроқ тафсилоти билан телелавҳа ва кўрсатув орқали таништирамиз.
“Ўзтрансгаз” АЖ Ахборот хизмати
778
