Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 29 noyabr kuni amalga oshirilgan ishlar — ayrim hududlar misolida.
Andijon viloyati:
Davlat bojxona qo‘mitasi tomonidan 16 dona quvvati 250 kVА hamda 4 dona quvvati 160 kVА bo‘lgan transformator punktlari Oltinko‘l tuman elektr ta’minoti korxonasiga olib kelindi.
Buxoro viloyati:
Viloyatdagi 262 mingdan ortiq tabiiy gaz iste’molchilari o‘z vaqtida tabiiy gaz bilan ta’minlanmoqda. Dastur asosida 23.5 kmda rekonstruktsiya ishlari bajarildi, 163 kmda esa bo‘yoqlash ishlari olib borildi.
Qashqadaryo viloyati:
Yakkabog‘ tumani Kaltaqo‘l qishlog‘iga dastur doirasida 25 dona temir-beton ustunlari olib kelingan.
Samarqand viloyati:
Payariq tumanida 10 ta nimstansiya, 1963,3 km. past kuchlanishli, 145,6 km. yuqori kuchlanishli uzatish tarmoqlari, 812 ta transformator punktlari mavjud bo‘lib, ularning aksariyati 25 yildan ortiq xizmat ko‘rsatib kelmoqda. Tumanda hozirga qadar 71 km. havo elektr uzatish tarmog‘i va 16 dona transformator punktlari o‘rnatildi.
Surxondaryo viloyati:
Viloyatda jami 462 310 ta suyultirilgan gaz iste’molchilari mavjud bo‘lib, shundan 462 178 tasi aholi iste’molchilari, qolgan 132 tasi ijtimoiy soha ob’yektlari hisoblanadi. Viloyatning olis va borish qiyin bo‘lgan qishloq (ovul)larda yashovchi 19507 ta xonadonlardagi 96 mingdan ortiq aholini kuz-qish mavsumida uzluksiz suyultirilgan gaz bilan ta’minlash maqsadida 282,9 tonna suyultirilgan gaz zahirasini yaratilgan.
Viloyatda jami 2 541 dona gaz taqsimlash punktlari bo‘lib, 136 dona GTP yuqori bosimli, 2405 donasi o‘rta bosimlini tashkil qiladi. Joriy yilda gaz quvurlarini mukammal ta’mirlash rejasi 3,3 km rejalashtirilgan bo‘lib, amalda bu ko‘rsatkich 3,35 kmga yoki 100 foizga bajarildi.
Termiz shahar “Guliston” MFY da jami 260 ta uy-joyga tabiiy gaz quvurlari o‘rnatilishi belgilangan. Shu kunga qadar to‘liq 260 ta xonadonga gaz quvuri tortilib, 80 dan ortiq iste‘molchilarga “aqlli” hisoblagichlar o‘rnatib berildi.
Termiz shahrida is gazidan zaharlanishning oldini olish, gaz jihozlaridan to‘g‘ri foydalanish maqsadida targ‘ibot tadbiri olib borilmoqda. Shaharda joylashgan harbiy qismda va yashash uylariga borib oila a’zolariga gazdan xavfsiz foydalanish bo‘yicha tushuntirish olib borildi.
Farg‘ona viloyati:
Farg‘ona shahar “Sharshara” MFY hududida temir-beton tayachlarini o‘rnatish ishlari yakuniga yetkazilib, 0,4-10 kVli yangi qurilayotgan elektr uzatish tarmog‘ini tortish uchun zarur butlovchi elektr qurilmalarni o‘rnatish ishlari boshlab yuborildi.
Quvasoy shahar “Qo‘chqorchi” MFY hududiga yangi qurilgan 10 kVli elektr uzatish tarmog‘ida kabel tarmog‘i tortish ishlari yakuniga yetkazilmoqda.
Bog‘dod tuman “Mirzaobod” MFY hududagi 300-sonli transformator punkti hududiga yangi qurilgan elektr uzatish tarmoqlariga iste’molchilarni ulash, “Dasht” MFY hududagi 147-sonli transformator punkti hududiga yangi qurilayotgan 10 kVli elektr uzatish tarmog‘ini yakuniga yetkazish ishlari bajarildi.
Beshariq tuman “Nabi” MFY hududidagi 207-sonli transformator punkti hududiga yangi qurilgan 0,4 kVli elektr uzatish tarmog‘iga shu kunning o‘zida 0,6 km uzunlikda kabel tortish ishlari bajarildi.
Qo‘qon shahar “G‘oziyog‘lik” MFY hududida 4 dona temir-beton tayanchlari o‘rnatilib, 0,3 km uzunlikda kabel tarmog‘ini tortish ishlari bajarildi. “G‘alchasoy” MFY hududagi 661-sonli transformator punkti hududiga yangi qurilgan 0,4 kVli elektr uzatish tarmog‘iga iste’molchilarni ulash ishlari boshlandi.
Toshkent shahar:
Uchtepa tumani “Katta qani” MFY hududida joylashgan TP-2476-sonli transformator podstansiyasidan chiquvchi quvvati HL-0,4 kV bo‘lgan elektr uzatish tarmog‘ida uzunligi 2, 5 kmdan ortiq yangi SIP rusumidagi kabel tarmog‘ini tortish ishlari amalga oshirilmoqda.
688
