Ушбу рукнда Энергетика вазирлигининг Матбуот-штаби фуқароларнинг саволларига очиқ мулоқот шаклида жавоб бериб боради.
Савол: Хонадонимда қуёш панеллари ва қуёш сув иситгичларини ўрнатмоқчиман. Ушбу қурилмаларни ўрнатганим учун қандай имкониятларга эга бўламан?
Жавоб: - Аввало, шуни таъкидламоқчи эдикки, қуёш панеллари ва қуёш сув иситгичларини ўрнатганда фуқаролар учун ҳеч қандай қўшимча солиқ ёки тўловлар жорий этилмайди;
- балки, биринчидан ушбу энегосамарадор қурилмаларни ўрнатиш ҳисобига хонадонингизни текин ва узлуксиз электр энергияси билан таъминлаш имконига эга бўласиз;
- Иккинчидан, ўрнатган қуёш панелларингиз орқали ишлаб чиқарилган электр энергиясидан фойдаланган ҳолда ўз эҳтиёжларингиздан ортган қисмини ҳудудий электр тармоқлари корхонасига сотишингиз ҳам мумкин;
- Учинчидан, бугунги кунда Ўзбекистонда жисмоний ва юридик шахсларга қуёш фотоэлектр станциялар, қуёш сув иситгичларини сотиб олиш ва ўрнатиш харажатларининг бир қисми Давлат бюджети ҳисобидан қоплаб берилади;
- Шунингдек, қуёш панеллари ва қуёш сув иситгичларини ўрнатган жисмоний шахслар 3 йил, тадбиркорлик субъектлари эса 10 йил давомида ер ва мулк солиғидан озод бўладилар.
Ўзбекистон Республикаси
Энергетика вазирлиги Матбуот хизмати
594
