Савол: Табиий газдан ноқонуний фойдаланиш ҳолатларининг гувоҳи бўлаяпмиз... Ушбу ноқонуний ҳолатлар ҳақида хабар бериш учун қаерга ёки кимга мурожаат қилишимиз керак? Шу ҳақида маълумот берсангиз...
Жавоб: Агарда сиз истиқомат қилаётган ҳудудда аҳоли хонадонлари, тадбиркорлик субъектлари ва бошқа ташкилотлар томонидан табиий газдан ноқонуний равишда фойдаланиш ҳолатлари кузатилаётган бўлса ёки ушбу ҳолатларнинг гувоҳи бўлиб қолсангиз, уларни бартараф этиш ва қонуний чора кўриш мақсадида қуйидаги “Ишонч” телефонларига мурожаат қилишингиз мумкин.
- Аҳоли ҳонадонлари ва тадбиркорлик субъектлари масалаларида (71) 202-11-04 (71) 200-08-04 ёки 1104 қисқа рақамларига;
- Юқори босимли магистрал газ қувурлари масалаларида (71) 202-10-09 рақамига;
- Тадбиркорлик субъектлари ва ташкилотлар масалаларида (71) 200-11-14 рақамига;
Ҳамда Ички ишлар вазирлиги ҳудудий бўлинмаларининг жойлардаги телефон рақамларига мурожаат қилишингиз мумкин.
Шунингдек, мурожаатларингизни қуйидаги электрон манзилларига йўллашингиз мумкин.
“Ҳудудгазтаъминот” АЖга “info@hududgaz.uz;
“Ўзтрансгаз” АЖга info@utg.uz;
“Ўзнефтгазинспекция”га info@uzngi.uz.
Ўзбекистон Республикаси
Энергетика вазирлиги Матбуот хизмати
1305
