Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 2 dekabr kuni amalga oshirilgan ishlar — ayrim hududlar misolida.
Jizzax viloyati:
Sharof Rashidov tumani Yakkaqayrag‘och MFY Bunyodkor ko‘chasida 0,4 kVli elektr uzatish tarmoqlari uchun 11 dona, 10 kVli elektr uzatish havo tarmoqlarini uchun 11 dona temir-beton tayanch ustunlari o‘rnatildi va 100 kVAli transformator punkti o‘rnatish ishlari amalga oshirilmoqda.
Arnasoy tumani, Baxtli MFY hududidagi mavjud elektr uzatish havo tarmoqlarini taranglash, daraxt shoxlaridan tozalash, transfarmator punktlari holatini ko‘rikdan o‘tkazish ishlari amalga oshirilmoqda.
“Obod qishloq” va “Obod mahalla” dasturlari doirasida Yangiobod tumani Sarmich QFY Julangar qishlog‘ida 1500 metr SIP kabeli orqali 0,4 kVli elektr uzatish tarmoqlarini tortish ishlari amalga oshirilmoqda.
Namangan viloyati:
Chortoq tumani “Gulshan” mahallasiga qo‘shimcha 250 kVA quvvatga ega transformator punkti o‘rnatildi.
Chortoq tumani “Do‘stlik” mahallasida diametri 219 mm bo‘lgan 2,1 kilometr gaz tarmog‘ida mukammal ta’mirlash ishlari bo‘lib o‘tdi.
Namangan viloyatida 5 737 ta gaz bosimini sozlash qurilmalari texnik taftishdan o‘tkazilib, 26 ta gaz bosimini sozlash qurilmalari esa mukammal ta’mirlandi. Shuningdek, 224 km gaz quvurlarini bosim ostida sinash va havo bosimi yordamida tozalash ishlari olib borildi, 143 kilometr yer usti gaz quvurlari esa bo‘yoqlandi.
Namangan shahrida 51 mingdan ziyod tabiiy gaz iste’molchilari istiqomat qiladi. Shaharning “Oromgoh” mahallasi hududidagi diametri 159 mm bo‘lgan 0,8 kilometr gaz tarmog‘i mukammal ta’mirlandi.
Mingbuloq tumani “Oybek” mahallasidagi diametri 114 mm bo‘lgan 1,7 km, “Mustaqillik” mahallasida esa 1,1 km gaz tarmoqlari mukammal ta’mirlandi.
Navoiy viloyati:
“Obod qishloq” va “Obod mahalla” dasturlari doirasida Navbahor tumani “Paxtakor” MFY hududiga 2 dona transformator punkti o‘rnatildi, 2,5 km uzunlikdagi havo tarmog‘i tortildi.
Surxondaryo viloyati:
Termiz shahrida tabiatning har qanday injiqliklariga tayyor turish, ob-havo noqulayliklariga qaramay iste’molchilarga “zangori yoqilg‘i”ni yetkazib berish, shuningdek, gaz ta’minoti tizimidagi quvurlar va taqsimlash punktlarini doimiy nazorat qilish, avariya holatlarini aniqlash va bartaraf etish choralari ko‘rilmoqda.
Denov shahar O‘rikzor mahallasi hududida yangi o‘rnatilgan aporalarga SIP-2ni tortish ishlari bajarildi.
Viloyatimizdagi 107 833 aholi xonadonlariga zamonaviy gaz hisoblash uskunalari - ASKUG o‘rnatilishi rejalashtirilgan. Hozirga qadar viloyatda 78 ming 299 dan ziyod xonadonga elektron gaz hisoblagich bepul o‘rnatilib, bu boradagi ishlar bosqichma-bosqich davom etmoqda.
Toshkent viloyati:
O‘rta Chirchiq tumani MFY “O‘rta Chirchiq” podstansiyasida bo‘lgan quvvati 10000 kVA transformator yukini yengillashtirish maqsadida, qo‘shimcha quvvati 25000 KVA lik transformator o‘rnatish ishlari bajarildi.
Toshkent shahar:
Olmazor tumani “Moyariq” MFY hududida TP uchun “transheya” qazilib, yangi transformatorga ulash uchun kabel tortilmoqda.
Farg‘ona viloyati:
Quva tuman “Gulobod” MFY hududlarida elektr tarmoqlarini yangilash va modernizatsiya qilish ishlari doirasida mutaxassislar tomonidan 0,4 kVli yangi elektr uzatish tarmog‘iga kabel tarmog‘i tortildi.
638
