“Ўзбекнефтегаз” АЖнинг Шўртан нефть ва газ қазиб чиқариш бошқармасига қарашли “Номозбой” газ конидан газни дастлабки тайёрлаш қурилмаси фойдаланишга топширилди. Бу эса Қашқадарё вилоятининг Ғузор тумани аҳолисига янада кўпроқ табиий газ етказиб бериш имконини берди.
Газ қазиб чиқаришни кўпайтиришда паст босимли газ қудуқларидан самарали фойдаланиш ва Ғузор туман аҳолисининг маълум бир қатламини узлуксиз табиий газ билан таъминлаш учун “Шўртан нефть ва газ қазиб чиқариш бошқармаси”даги “Жанубий Тандирча” цехига қарашли “Номозбой” кони газни дастлабки тайёрлаш қурилмаси қуриб битказилиб, фойдаланишга топширилди.
Ушбу лойиҳа Президентимизнинг 2017 йил 9 мартда “2017-2021 йилларда углеводород хом ашёсини қазиб олишни ошириш дастурини тасдиқлаш тўғрисида”ги ПҚ-2822-сонли қарорига мувофиқ амалга оширилди.
Ҳозирда бир кеча-кундузда 40 минг куб метрдан 80 минг куб метргача бўлган ҳажмда истеъмолга қўйилган техник талабларга мос табиий газ “Ҳудудгазтаъминот” АЖ орқали Ғузор туман аҳолисига етказиб берила бошланди. Бу орқали тумандаги 2 500 та хонадонга газ етказиб бериш имконятига эга бўлинди.
Таъкидлаш керакки, “Номозбой” конидаги газни дастлабки тайёрлаш қурилмасининг ишга туширилиши Ғузор туман аҳолиси учун Конститутсиямизнинг 29 йиллигида ўзига хос байрам туҳфаси бўлди.
Ўзбекистон Республикаси
Энергетика вазирлиги Матбуот хизмати
889
