Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 9 dekabr kuni amalga oshirilgan ishlar — ayrim hududlar misolida.
Andijon viloyati:
Andijon shahrining “Islomobod” MFYdagi 1 308 ta aholi xonadonlarining elektr ta’minotini yanada yaxshilash maqsadida 60 dona temir-beton tayanchlar olib kelib o‘rnatildi hamda 2,5 km uzunlikdagi SIP kabel tarmoqlari tortildi.
Andijon gaz iste’molchilari soni 423 mingdan ortiq bo‘lib, yil boshidan beri aholiga 66 ming 360.94 tonna suyultirilgan gaz yetkazib berildi.
Buxoro viloyati:
Buxoro viloyatida 287 ta MFY iste’molchisi maishiy gaz ballonlaridan foydalanib keladi. Ularning barchasi bugun to’lovni kartalar orqali amalga oshirmoqda. Ushbu tizim orqali yil boshidan buyon yetkazib berilgan suyultirilgan gaz miqdori 1826,5 tonnani tashkil etadi.
Navoiy viloyati:
Nurota tumanidagi mavjud 17 888 nafar suyultirilgan gaz iste’molchilari hamda tabiiy gazdan foydalanuvchi 7 760 nafar iste’molchiga bir ma’romda gaz yetkazib berish, ta’minotda uzilish bo‘lmasligi uchun kerakli tadbirlar amalga oshirildi. Isitish mavsumini betalofat o‘tkazish maqsadida 13 640 ta ogohlantirish xatlari, 4057 ta eslatma va bukletlar tarqatildi.
Samarqand viloyati:
Pastdarg‘om tumani Qatorterak MFY hududidagi 2253-sonli transformator punktidan chiquvchi 0,4 kV past kuchlanishli elektr uzatish tarmog‘iga 500 metr SIP-2 hamda 900 metr SIP-4 zamonaviy kabellari tortildi.
Surxondaryo viloyati:
Denov tumani Bog‘i nav mahallasi hududida joylashgan podstansiyaning 0.4kV tarmog‘ida yangi o‘rnatilgan beton ustunlarga SIP-2ni tortish ishlari bajarildi.
Farg‘ona viloyati:
O‘zbekiston tuman “Kattatagob” MFY hududida elektr tarmoqlarini yangilash va modernizatsiya qilish ishlari doirasida 0,4 kVli yangi elektr uzatish tarmog‘iga kabel tortish ishlari boshlandi.
Farg‘ona shahar “1-Beshbola” MFY hududiga dastur asosida zarur yangi temir-beton tayanchlari olib borilmoqdi.
Quvasoy shahar “Isfayramsoy” MFY hududiga 0,4-10 kVli yangi elektr uzatish tarmog‘ini qurish uchun hududga olib kelingan temir-beton tayanchlarini loyiha asosida o‘rnatish ishlari boshlandi.
Quva tuman “Guliston” MFY hududidagi mavjud 0,4-10 kVli elektr uzatish tarmoqlarini yangilash maqsadida hududga olib kelib o‘rnatilgan yangi temir-beton tayanchlariga kabel tortish ishlari boshlandi.
Beshariq tuman “Uzun” MFY hududida 10 kVli yangi elektr uzatish tarmog‘ini tortish ishlari bajarilmoqda.
572
