Энергетика вазирлиги тизимидаги “Иссиқлик электр станциялари” акциядорлик жамияти таркибидаги барча корхоналарда аҳоли, ижтимоий соҳа объектлари ва иқтисодиёт тармоқларини барқарор ва сифатли электр ҳамда иссиқлик энергияси билан таъминлаш мақсадида тун-у кун ишлар ташкил этилмоқда.
Хусусан, ярим тун бўлишига қарамай “Фарғона иссиқлик электр маркази” акциядорлик жамиятида электр энергияси ишлаб чиқариш жараёни узлуксиз равишда давом этмоқда.
Марказда 5-сонли турбогенератор, ГТҚ-17 МВт ва ГТҚ-7 МВт замонавий қурилмалари тўхтовсиз режимда ишламоқда.
Жамиятнинг ўрнатилган электр энергия ишлаб чиқариш қуввати 329 МВт/соат, иссиқлик энергия ишлаб чиқариш қуввати 1449 Гкал.соатни ташкил этади.
Замонавий ГТҚ-17 МВт ва ГТҚ-7 МВт қурилмалари бугунги кунда тўлиқ қувватларда ишлаётган бўлса, ТГ-5 турбинаси истеъмолчилар талаб ва эҳтиёжларидан келиб чиқиб фаолият олиб бормоқда.
Замонавий ГТҚ-7, ГТҚ-17 курилмалари ишлаши ҳисобига соатига 14,3 минг метр куб табиий газ иқтисод қилишга эришилмоқда.
Ўзбекистон Республикаси
Энергетика вазирлиги Матбуот хизмати
1432
