Жорий йилнинг 14 декабрь куни Тошкент шаҳрида Ўзбекистон Республикаси Энергетика вазирлиги ва “Honeywell” (АҚШ) компанияси ўртасида ҳамкорлик тўғрисидаги битим ҳамда уни амалга ошириш бўйича “Йўл харитаси” имзоланди.
Унда Ўзбекистон Энергетика вазирининг биринчи ўринбосари Азим Ахмедхаджаев ва “Honeywell” компанияси вице-президенти Норм Гилсдорф, шунингдек, “Honeywell” компаниясининг Туркия ва Марказий Осиё бўйича президенти Уйгар Доюран иштирок этди.
Тадбир иштирокчилари таъкидлаганидек, мазкур ҳужжатлар Ўзбекистон Энергетика вазирлиги ва унинг тизимидаги ташкилот ва ишлаб чиқариш объектларининг корпоратив бошқарувнинг сифат жиҳатидан янги босқичига ўтишига замин яратиш имконини беради. Бу жараён, хусусан, саноат объектларини, ноишлаб чиқариш бино ва иншоотларини рақамлаштириш, транспорт ва транспорт инфратузилмасини рақамлаштириш ва бошқалар бўйича ечимларни ўз ичига олади.
А.Ахмедхаджаев “Honeywell” компанияси Ўзбекистонда автоматлаштириш ва рақамлаштириш соҳасида кенг тажрибага эга ва ишончли ҳамкор сифатида қабул қилинишини таъкидлади.
Энергетика вазирлиги мамлакат ёқилғи-энергетика комплекси (ЁЭК) учун рақамли трансформация дастурини ишлаб чиқиш ташаббуси билан чиқди, унинг доирасида кенг қамровли халқаро ҳамкорлик, жумладан, “Honeywell” компанияси билан ҳамкорлик олиб борилмоқда. Бу йўналишда Энергетика вазирлиги ва “Honeywell” мутахассисларининг биргаликдаги фаолиятининг яхши натижалари аллақачон йўлга қўйилган бўлиб, биринчи аниқ натижалари 2022 йилда кутилмоқда.
Норм Гилсдорф таъкидлаганидек, 2021 йилда “Honeywell” ва Ўзбекистон Энергетика вазирлиги ўртасидаги ҳамкорлик мамлакат ёқилғи-энергетика комплексини рақамли трансформациялашда иштирок этиш ҳисобига янги босқичга кўтарилади.
Жорий йилнинг сентябрь ойида Энергетика вазирлиги делегацияси Дубайдаги “Honeywell” штаб-квартирасида амалий ташриф билан бўлиб, у ерда саноатни рақамлаштириш бўйича ечимлар тўплами билан батафсил танишди. Ягона рақамли инфратузилма ва дастурий-аппарат платформаси концепциясини амалга оширишда сунъий интеллект (ИИ), машинани ўрганиш (ML) ва саноат буюмлари интернети (IIOT) технологияларидан фойдаланилади.
Шуни қўшимча қилиш керакки, “Honeywell” билан Ўзбекистон энергетика соҳасидаги ҳамкорлик 1991 йилдан кейин “Honeywell” компаниясининг автоматлаштириш тизимлари билан жиҳозланган Бухоро ва Фарғона нефтни қайта ишлаш заводлари лойиҳалари билан бошланган. Кейинчалик, Ўзбекистонда Шўртан газ-кимё мажмуаси, Устюрт газ-кимё мажмуаси, Қандим газни қайта ишлаш мажмуаси қурилиши ва газ қазиб олиш ва ташиш соҳасидаги бошқа лойиҳаларни амалга оширишда ҳамкорлик давом эттирилди. Айни пайтда синтетик суюқ ёқилғи ишлаб чиқариш бўйича UzGTL заводи лойиҳаси бўйича ҳамкорликда ишлар олиб борилмоқда.
Ўзбекистон Республикаси
Энергетика вазирлиги Матбуот хизмати
1121
