Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 15 dekabr kuni amalga oshirilgan ishlar — ayrim hududlar misolida.
Andijon viloyati:
“Obod qishloq” va “Obod mahalla” dasturlari doirasida Qo‘rg‘ontepa tumanidagi “Dardoqtepa” MFY o‘ramidagi Zebiniso, Tabobat, Beruniy ko‘chalariga jami 5,1 km uzunlikdagi 10/04 kVli tarmoq yangi qurilib rekonstruksiya qilindi va 2 dona quvvati 160 kVA bo‘lgan transformator punktlari olib kelib ishga tushirildi.
Viloyatda “Yong‘in xavfsizligi oyligi” doirasida 2021-2022 yillar kuz-qish mavsumida 117 ming 498 ta xonadonda o‘rganish o‘tkazilib, 27 ming 506 ta hovli va 89 ming 992 ta ko‘p qavatli uylarda yashovchi iste’molchilarga gazdan oqilona foydalanish, is gazi va uning oqibatlari haqida tushunchalar berildi. Shuningdek, 216 umumta’lim maktablari va maktabgacha ta’lim tashkilotlari, 110 ta poliklinika va tibbiyot muassasalari, 66 ta yotoqxona hamda mehribonlik uylarida suhbatlar o‘tkazildi.
Namangan viloyati:
Kosonsoy tumani “Soy bo‘yi” MFYda joylashgan “Taraqqiyot” elektr uzatish tarmog‘iga 400 kVA quvvatga ega bo‘lgan transformator punkti o‘rnatildi va yangi 2.1 km masofaga SIP kabel tortish uchun 45 dona temir-beton tayanchlar o‘rnatildi.
Surxondaryo viloyati:
“Obod qishloq” va “Obod mahalla” dasturlari doirasida Denov tumani “Qaytmas” mahallasi hududida joylashgan podstansiya “Xazarbog‘-2” 35/10 kV 1-fider 125-raqamli transformator punktidan chiquvchi 0,4 kVli 2-fider elektr uzatish tarmog‘ida rekonstruksiya (SIP2 tortish va SIP4 tushurish) ishlari bajarilmoqda.
Jarqo‘rg‘on tumani “Mingchinor” MFY Markaz ko‘chasi aholisiga yangi temir-beton stolbalar o‘rnatilmoqda.
Farg‘ona viloyati:
Toshloq tumanining “Katta ko‘cha” MFY hududida yangi transformator punkti o‘rnatilib, hududga olib borilgan temir-beton tayanchlarini o‘rnatish ishlari bajarilmoqda.
Quva tuman “Qayirma” MFY hududida yangi temir-beton tayanchlarini o‘rnatish, “Guliston” MFYda yangi elektr uzatish tarmog‘iga iste’molchilarni ulash ishlari bajarilmoqda.
Rishton tumanining “Chuburg‘on” MFY hududidagi 634-sonli transformator punktiga yangi temir-beton tayanchlari o‘rnatilib, kabel tarmog‘i tortilmoqda.
Yozyovon tuman “Qorasoqol” hamda “Qo‘rg‘oncha” MFY hududlarida temir-beton tayanchlarini o‘rnatish, “Baxor” hamda “Qoratepa” MFY hududlarida esa yangi elektr uzatish tarmog‘iga kabel tortish ishlari bajarilmoqda.
So‘x tuman “Navobod” kichik sanoat zonasini sifatli elektr energiya bilan ta’minlash maqsadida yangi 10 kVli elektr uzatish tarmog‘ini tortish ishlari ishlari olib borilmoqda.
662
