Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 16 dekabr kuni amalga oshirilgan ishlar — ayrim hududlar misolida.
Surxondaryo viloyati:
Viloyatda shu kunga qadar 449 628 ta iste’molchilarga ID kartalar tarqatilgan bo‘lsa, 576 680 dona maishiy gaz ballonlarga stikerlar o‘rnatilishi ta’minlandi.
Toshkent viloyati:
Tumanda 2080 dona zamonaviy, tejamkor avtomat klapanli yondirgichlar iste’molchilarning isitish qozonlariga o‘rnatildi hamda 845 dona noto‘g‘ri o‘rnatilgan nostandart dudburonlarni buzdirib qayta rekonstruksiya qilib kamchiliklar bartaraf etildi.
Toshkent shahar:
Olmazor tumani Nihol mahallasi hududidagi 4247- hamda 4300-sonli transformator punktlari quvvatini yengillatish, iste’molchilarni sifatli elektr energiyasi bilan ta’minlash maqsadida, mavjud 400 kVAli transformator o‘rniga yangi 2 dona quvvati 630 kVA bo‘lgan transformator o‘rnatildi.
Farg‘ona viloyati:
Belgilangan rejaga asosan, yangi temir-beton tayanchlari O‘zbekiston, Quva hamda Qo‘shtepa tumanlariga, Quvasoy hamda Marg‘ilon shaharlariga yetkazib berildi.
Viloyatga olib kelingan 4 dona turli quvvatdagi transformator punktlarining 2 donasi O‘zbekiston tumanining “Katta tagob” hamda “Begavod”, 2 donasi Toshloq tumanining “Xo‘jaariq”, “Yakkatut” MFY hududlariga yetkazib berildi.
Rishton tumanida dastur asosida amalga oshirilayotgan yangilash va modernizatsiya qilish ishlari muvofiq 10 kVli “Navoiy” elektr uzatish tarmog‘ida yangi kabel tortish ishlari bajarilmoqda.
Rishton tumani “Yuqori Avazboy” MFY hududida past kuchlanishli elektr tarmoqlarini yangilash va modernizatsiya qilish dasturiga asosan temir-beton tayanchlarini o‘rnatish ishlari bajarilmoqda.
Uchko‘prik tuman “Kichik Kenagas” MFY hududida yangi qurilgan elektr uzatish tarmog‘iga iste’molchilarni ulash ishlari olib borilmoqda.
552
