Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 21 dekabr kuni amalga oshirilgan ishlar — ayrim hududlar misolida.
Andijon viloyati:
“Obod mahalla” dasturi doirasida Andijon tuman Sog‘lom turmush MFYda temir-beton tayanch o‘rnatish ishlari olib borilmoqda.
Buloqboshi tuman Toshkechik MFY hududiga temir-beton tayanch o‘rnatish ishlari olib borilmoqda.
“Obod mahalla” dasturi doirasida Izboskan tuman Jahonobod MFY hududida yangi KTPG-400 kVA transformatori o‘rnatildi.
Jizzax viloyati:
Jizzax viloyatida bugungi kunda foydalanishda bo‘lgan gaz uskunalar soni 378 337 tani tashkil etadi. Shundan aholida 364 590 ta, ulgurji gaz iste’molchilarda esa 13 747 ta bundan tashqari ulgurji gaz iste’molchilar balansidagi GRP lar soni 951 tani tashkil etadi. Viloyatda 135478 ta aholi xonadonlaridagi jami 272 695 ta gaz uskunalariga va 1 151 ta ulgurji iste’molchilarning gaz uskunalariga profilaktik va texnik ko‘rik (reviziya) xizmati ko‘rsatilgan.
Navoiy viloyati:
Markazdan 250-300 km uzoqlikda joylashgan ovullar aholisining suyultirilgan gazga bo‘lgan ehtiyojini o‘z vaqtida qondirib, ularga qulaylik yaratish maqsadida “zangori yoqilg‘i”ni bir maromda va xavfsiz yetkazib berilmoqda.
Karmana tumanida jami 27 546 ta xonadon gaz ta’minotidan foydalanadi. Aholining gaz jihozlari soni 95 583 tani bo‘lib, shundan 51 820 ta gaz jihoziga texnik xizmat ko‘rsatildi. Bundan tashqari, 620 ta yuridik iste’molchining mavjud 1 785 ta gaz priboridan 813 tasi texnik ko‘rikdan o‘tkazilib, xavfsizligi ta’minlandi.
Samarqand viloyati:
Payariq tumani Burkut mahallasi Olchin qishlog‘i aholisini elektr eneryasi bilan ta’minlovchi 3788-transformator punktiga qo‘shimcha bir dona 160/10 kV transformator punkti o‘rnatildi va yuqori kuchlanishli elektr uzatish tarmog‘iga 2 dona hamda past kuchlanishli havo elektr uzatish tarmog‘iga 50 dona temir-beton ustunlari o‘rnatildi.
Sirdaryo viloyati:
Guliston tumanida sovuq mavsumni betalofat o‘tkazish maqsadida daxldor tashkilotlar hamkorligida keng qamrovli profilaktik-targ‘ibot tadbirlari davom etmoqda.
Surxondaryo viloyati:
Denov tumani O‘rikzor mahallasi hududida joylashgan podstansiya PS Denov 220/35/6 kV f-6 TP-608 ning 0.4 kVXEUY da SIP-35 tortish ishlari bajarildi.
Surxondaryo viloyatida 558 973 ta iste’molchisi bo‘lib, 556 858 tasi aholi va 2 115 tasi ulgurji iste’molchilardir. 471 mingdan ziyod aholi xonadonlari esa suyultirilgan gaz bilan ta’minlangan.
2021-2022 yillar kuz va qish mavsumida jami 464.098 million kub metr tabiiy, 40258,0 tonna suyultirilgan gaz yetkazib berilishi rejalashtirilgan. Joriy yilning dekabr holatiga ko‘ra, iste’molchilarga 71 ming 291 tonna suyultirilgan gaz yetkazib berilgan.
Sariosiyo tumanining eng chekka va olis hududlaridan bo‘lgan “Kundaijuvoz” va “Chosh” qishloqlariga maishiy gaz ballonlar avval “To‘palang” suv ombori orqali qayiqda, so‘ngra tog‘larga moslashgan avtomashinalarda o‘z vaqtida yetkazib berilmoqda.
Har bir iste’molchi “ID” karta bilan ta’minlanib, maishiy gaz ballonlarga maxsus bar-kodli yorliqlar biriktirildi va hisob-kitob tizimi to‘liq avtomatlashtirildi. O‘tgan davr mobaynida 450 ming nafarga yaqin aholiga “ID” karta tarqatildi va 576 mingdan ortiq maishiy gaz ballonlarga maxsus stiker yopishtirildi. Shuningdek, “E-Gaz” dasturi ishlab chiqilib, unda viloyatdagi barcha iste’molchilar va maishiy gaz ballonlarning ro‘yxati shakllantirildi.
Viloyatning Termiz va Denov shaharlarida zamonaviy “aqlli” hisoblagichlar o‘rnatish ishlari davom etmoqda. Shuningdek, viloyatning Termiz, Sariosiyo, Uzun, Sho‘rchi, Qumqo‘rg‘on, Jarqo‘rg‘on tumanlari va Termiz shahrida gaz hisoblagichlarni almashtirish jarayonlari amalga oshirilmoqda.
Farg‘ona viloyati:
O‘zbekiston tumani “Shodlik” MFY Oqyozi qishlog‘i hududiga 0,4-10 kVli yangi elektr uzatish tarmog‘ini qurish uchun hududga olib kelingan temir-beton tayanchlarini loyiha asosida o‘rnatish ishlari boshlandi.
Beshariq tumanida tashkil etilayotgan kichik sanoat zonasiga yangi 10 kVli elektr uzatish tarmog‘ini tortilib, yangi transformator punktlari olib kelinib, o‘rnatish ishlari olib borilmoqda.
Rishton tumanining “Navoiy” MFY hududiga olib kelingan yangi temir-beton tayanchlarini o‘rnatish ishlari bajarilmoqda.
Farg‘ona shahar elektr ta’minoti korxonasi tomonidan joylarda yuzaga kelgan avariyali uzilishlar, nosozliklarni bartaraf etish bo‘yicha o‘z vaqtida, tezkorlik bilan xavfsiz ish tashkil etgan holda tegishli choralar ko‘rib kelinmoqda.
Qo‘qon shahar “Isfara guzari” MFY hududida yangi elektr uzatish kabel tarmog‘ida yangi kabel tortish ishlari bajarilmoqda.
Buvayda tuman “Beshterak” MFY hududiga 0,4-10 kVli yangi elektr uzatish tarmog‘ini qurish uchun hududga olib kelingan temir-beton tayanchlarini loyiha asosida o‘rnatish ishlari boshlandi.
Bog‘dod tuman “Olchin” hamda “Matqulobod” MFY hududlaridagi o‘ta yuklama bilan ishlab kelayotgan 163-sonli hamda 369-sonli transformator punktlariga qo‘shimcha yangi transformator punktlari o‘rnatildi.
1283
