Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizatsiya va rekonstruksiya ishlari: 24 dekabr kuni amalga oshirilgan ishlar — ayrim hududlar misolida.
Andijon viloyati:
“Obod qishloq” va “Obod mahalla” dasturlari doirasida Buloqboshi tumanining Bozorboshi mahallasiga qarashli Soyguzar, Chilonzor ko‘chalarida jami 454 dona temir-beton tayanchlar o‘rnatildi hamda 12 km uzunlikdagi SIP kabel tarmoqlari tortildi, quvvati 100 kVA bo‘lgan 2 dona transformator punktlari o‘rnatilib ishga tushirildi.
Buloqboshi tumanining Istiqlol mahallasi Gulzor ko‘chasiga 1dona quvvati 100 kVA bo‘lgan transformator punkti o‘rnatilib ishga tushirildi. Bundan tashqari Ko‘prikboshi MFY hududiga 2 dona transformator punkti o‘rnatildi.
Buxoro viloyati:
Is gazidan zaharlanishning oldini olish uchun joylarda targ‘ibotlar davom etmoqda. Bugunga qadar shahardagi 25 ga yaqin ijtimoiy tashkilotlarda bu kabi tushuntirishlar olib borildi. Har bir iste’molchi gaz uskunalaridan to‘g‘ri foydalanishi, nostandart gaz jihozlari hayot uchun xavfli ekanligini anglagan holda uni ishlatmaslik zarurligi iste’molchining asosiy vazifalaridan hisoblanadi.
Namangan viloyati:
Mingbuloq tumanining barcha MFY laridagi transformator punktlari hamda havo tarmoqlari ko‘rikdan o‘tkazildi.
Navoiy viloyati:
Navoiy shahri “Yoshlik” MFY hududida qurilayotgan 3 ta 7 qavatli va 5 ta 16 qavatli turar joy binolari uchun transformator punktlari va 10 kVli kabel elektr uzatish tarmoqlarining qurilish-montaj ishlari davom etmoqda.
Samarqand viloyati:
Payariq tuman “Navro‘z” MFY Qutirbuloq qishlog‘idagi 3723-transformator punktiga qo‘shimcha yangi 160/10 kV transformator punkti o‘rnatildi. Shuningdek, mazkur transformator punktining yuqori kuchlanishli havo elektr uzatish tarmog‘iga 10 dona hamda past kuchlanishli havo elektr uzatish tarmog‘iga 46 dona temir-beton ustunlari o‘rnatish ishlari olib borildi.
Surxondaryo viloyati:
Denov tumani “Paxtakurash” mahallasi hududida joylashgan podstansiya “Xayrobod” 35/10 kV 3-fider 302-raqamli transformator punkitidan chiquvchi 0,4 kVli 3-fider havo elektr uzatish tarmog‘ida rekonstruksiya (SIP2 tortish) ishlari bajarildi.
Farg‘ona viloyati:
Farg‘ona shahar “1-Beshbola” MFY hududiga yangi 10 kVli elektr uzatish tarmog‘ini tortish ishlari yakuniga yetkazilmoqda.
Farg‘ona tumani “Xosilot” MFY hududiga 0,4-10 kVli yangi elektr uzatish tarmog‘ini qurish uchun hududga olib kelingan temir-beton tayanchlarini loyiha asosida o‘rnatish ishlari boshlandi.
Buvayda tuman “Xakimto‘ra” MFY hududiga 0,4-10 kVli yangi elektr uzatish tarmog‘ini qurish uchun hududga olib kelingan temir-beton tayanchlarini loyiha asosida o‘rnatish ishlari boshlandi.
O‘zbekiston tumani “Shodlik” MFY Oqyozi qishlog‘i hududiga 0,4-10 kVli yangi elektr uzatish tarmog‘ini qurish uchun hududga olib kelingan temir-beton tayanchlarini loyiha asosida o‘rnatish ishlari boshlandi.
Toshloq tumanining “Furqat” MFY hududiga 0,4-10 kVli yangi elektr uzatish tarmog‘ini qurish uchun hududga olib kelingan temir-beton tayanchlarini loyiha asosida o‘rnatish olib borilmoqda.
Qo‘shtepa tumanining “Qayrag‘och” MFY hududidagi elektr tarmoqlari uchun yangi tarsformator punkti o‘rnatilib, loyiha asosida zarur temir-beton tayanchlari o‘rnatildi.
Toshkent viloyati:
Zangiota tumani 4-sektor hududidagi “Achchisoy” mahallasiga yangi transformator o‘rnatilmoqda.
718
