Жорий йилнинг 23 декабрь куни Ўзбекистон Республикаси Энергетика вазирлиги мутахассислари ва Абу Али ибн Сино номидаги ихтисослаштирилган мактаб ўқувчилари билан учрашув бўлиб ўтди.
Ихтисослаштирилган мактабда Ўзбекистон Республикаси Энергетика вазирининг Ахборот технологиялари масалалари бўйича маслаҳатчиси Темур Журабеков ва вазирликнинг Нефть ва газ саноатини ислоҳ қилишни мувофиқлаштирувчи лойиҳа офисининг корпоратив алоқалар хизмати раҳбари Авазбек Муллажонов иштирокида учрашув ташкил этилди.
Учрашув давомида ўқувчи-ёшларга мамлакатимизда ёқилғи-энергетика соҳасида амалга оширилаётган кенг кўламли ислоҳотлар тўғрисида маълумот берилди.
Шунингдек, суҳбат давомида мамлакат тараққиёти учун энг муҳим соҳа – ёқилғи-энергетика тизимидаги янгиликлар, янги лойиҳалар, мавжуд муаммолар ечими, мазкур соҳани янада ривожлантириш масалаларига алоҳида тўхталиб ўтилди.
Тадбир очиқ мулоқот ва самимий руҳда ташкил этилиб, ўқувчиларда катта таассурот қолдирди.
Тадбир якунида ўқувчилар ўзларини қизиқтирган саволларга жавоб олдилар. Келгусида шу каби учрашувларни тез-тез ташкиллаштириш ҳақида келишиб олинди.
Ўзбекистон Республикаси
Энергетика вазирлиги Матбуот хизмати
832
