Жорий йилнинг 30 октябрь куни O‘zLiDeP Хоразм вилоят Кенгаши матбуот хизмати томонидан “Uzlidep.uz” веб-сайти орқали “Урганчда янги бетон симёғочлар қачон ўрнатилади?” сарлавҳали мақола “Хоразм ҳудудий электр тармоқлари” АЖ томонидан чуқур ўрганилиб, қуйидагилар маълум қилинади.
Маълумки, ҳудудимиз табиати жуда инжиқ. Ёзда иссиқ, қишда совуқ, ёғингарчиликларга бой бўлади. Шу сабабли бетон таянч устунлар ҳам таъмирталаб ҳолатга келиб қолиш ҳолатлари учрамоқда. Ушбу муаммо республика миқёсида кузатилаётганлиги сабабли Ўзбекистон Республикаси Президентининг 2016 йил 23 ноябрдаги “2017 – 2021 йилларда паст кучланишли электр тармоқларини янгилаш ва модернизация қилиш дастури тўғрисида”ги қарори қабул қилинди. Қарорга асосан, 2021 йилнинг якунига қадар республикамизнинг барча ҳудудларида эски турдаги симёғочлар янгиларига алмаштирилиши, таъмирга муҳтожлари таъмирланиши лозим.
Ушбу қарор асосида ҳудудларда таъмирлаш ва жорий таъмирлаш режалари ишлаб чиқилди. Хоразм вилояти ҳудудида ҳам бундай таъмирлаш режалари тузилган бўлиб, ҳудудларда бундай жароёнлар Дастур асосида белгиланган муддатда амалга оширилади. Айни пайтда қарор ижросини таъминлаш жараёнлари жадал суръатлар билан олиб борилмоқда.
Жумладан, Урганч тумани “Тажриба станцияси” маҳалласи “Зилол” кўчасидаги темир бетон таянч устунлар ўрнатилиши ҳам жорий йилнинг тўртинчи чораги якунигача белгиланган. Бу ҳақида жамият томонидан 2019 йил 9 октябрдаги Халқ депутатлари Хоразм вилоят Кенгаши депутати Ж.О.Қурбановга юборилган жавоб хатида ҳам алоҳида қайт этилган. Режа дастур асосида ҳудудга бетон таянч учтунлардан олиб келинган. Айни кунларда эса жамият ходимларининг ушбу ҳудудда фаолият олиб бораётганини кўришингиз мумкин.
Бундан шуни англаш мумкинки, ҳудудлардаги таъмирталаб симёғочлар режа асосида белгиланган муддатда амалга оширилмоқда.
“Хоразм ҳудудий электр тармоқлари”
АЖ Матбуот хизмати.
1006
