“Ўзэнергоинспекция” томонидан Ўзбекистон Республикаси Президентининг 2019 йил 30 июлдаги ПҚ-4407-сонли “Республика иқтисодиёт тармоқлари ва ижтимоий соҳаларини 2019-2020 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисида”ги қарори ижросини таъминлаш мақсадида Соғлиқни сақлаш вазирлиги тасарруфидаги муассасаларда бажарилиши бўйича ўрганишлар ўтказилди.
Кўмир сақланиши ҳолати бўйича:
Ўтказилган ўрганишлар давомида Ўзбекистон Республикаси Соғлиқни сақлаш вазирлиги тасарруфидаги кўмир ёқилғисида иситиладиган жами 2022 та муассасалардан 681 таси (33,6%) кўрилганда, уларнинг 314 тасида (46,1%) кўмир сақланиши ҳолати қониқарсиз эканлиги маълум бўлди.
Мисол учун: Қашқадарё вилояти, Қарши туманидаги Омонтепа қишлоқ оилавий поликиникасида кўмирни сақлаш учун махсус омборхона мавжуд эмаслиги натижасида очиқ жойда сақланмоқда, шунингдек ушбу кўмир ёқилғисини сақланишига жавобгар шахс тайинланмаган ва уни миқдорини кўрсатиб турувчи тахтачалар ўрнатилмаган.
Наманган вилояти “Силга карши курашиш диспансери”да кўмирни сақлаш учун махсус омборхона мавжуд эмаслиги натижасида кўмир ёқилғиси том қимси ёпилган очиқ айвонча тагида сақланмоқда, шунингдек ушбу кўмир ёқилғисини сақланишига жавобгар шахс тайинланмаган ва уни миқдорини кўрсатиб турувчи тахтачалар ўрнатилмаган.
Сурхандарё вилояти, Термиз тумани тиббиёт бирлашмаси тассаруфидаги “Янгиариқ” шифохонаси ва туман туғуруқ мажмуаси мавсум учун захирага олинган 57,6 тонна кўмир-брикет эса фақатгина усти ёпилган жойда, очиқ ҳавода сақланмоқда, кўмир омборхонаси кўмир сақлаш талабларига жавоб бермайди.
Электр ва иссиқлик қурилмаларининг ҳолати бўйича:
Ўзбекистон Республикаси Соғлиқни сақлаш вазирлиги тасарруфидаги жами 3017 та муассасалардан 1169 таси (38,7%) кўрилганда, уларнинг 621 тасида (53,1%) электр ва иссиқлик қурилмаларининг техник ҳолати кониқарсиз эканлиги маълум бўлди.
Мисол учун: Жиззах вилояти, Мирзачўл тумани, Ўзбекистон қишлоқ врачлик пунктида 0,4 кВ кучланишли тақсимлаш шити ерга заминланмаган, ва сақлагичлар ўрнига қўл бола (жучок) симлар тортилганлиги, электр қурилмаларини ерлагичлари электротехник лаборатория синовидан ўтказилмаган.
Бухоро вилояти, Ғиждувон туманидаги Тиббиёт бирлашмасига қарашли “Туғуруқ комплекс” даги Трансформаторнинг мой сатхи мейрдан камлиги, юқори кучланиш томонидаги стандарт сақлагичлар ўрнига қўлбола (жучок) симлар ўрнатилганлиги, 0,4 кВли тақсимлаш шкафдаги кабеллар наконечникларсиз, бурама усулда автоматик ўчиргичларга қотирилган.
Андижон вилояти, Асака тумани, Юқори Бўз МФЙ ҳудудида жойлашган 11-сонли қишлоқ оилавий поликилиникасидаги 0,4 кВ кучланишли қурилмаларни ерлагичлари электротехник лабаратория синовидан ўтказилмаган.
947
