Энергетика вазирлиги тизимидаги “Иссиқлик электр станциялари” АЖ корхоналарида аҳоли, ижтимоий соҳа объектлари ва иқтисодиёт тармоқларини сифатли электр энергияси билан таъминлаш мақсадида кун-у тун, суткасига 24 соат – узлуксиз иш фаолияти ташкил этилган.
Саҳро ўртасида жойлашган улкан энергия манбаи — “Тахиатош ИЭС” АЖ Қорақлопоғистон Республикаси ва Хоразм вилояти истеъмолчиларини электр энергияси билан таъминловчи йирик энергообъект ҳисобланади.
Станцияда 2 та турбогенератор ҳамда 6 та қозон, 2 та энергоблок, ҳар бирининг қуввати 280 МВт қувватга эга 2 та замонавий буғ-газ қурилмалари тўхтовсиз равишда ишламоқда.
Кун-у тун халқимизга сифатли ва узлуксиз электр ҳамда иссиқлик энергияси етказиб бериш мақсадида, станция ходимлари совуқ об-ҳаво шароитида касб вазифаларини муносиб адо этишмоқда.
“Тахиатош ИЭС” АЖнинг республикадаги ўрни беқиёс. Унинг ўрнатилган ишлаб чиқариш қуввати 1190 МВт, иссиқлик энергияси етказиб бериш қуввати эса 130 Гкал /соатни ташкил этади.
Бугунги кунда станцияда жаҳон талабларига жавоб бера оладиган замонавий ҳамда энерготежамкор буғ-газ қурилмалари тўлиқ қувватларда ишламоқда.
“Иссиқлик электр станциялари” АЖ Матбуот хизмати.
656
