Янги Ўзбекистонда амалга оширилаётган кенг кўламли ислоҳотлар кесимида Президентимизнинг томпшириқларига асосан экологик ҳолатни яхшилаш, “Яшил макон” умуммиллий лойиҳаси ижросини таъминлаш борасида белгиланган чора-тадбирлар доирасида улкан ҳажмдаги ишлар амалга оширилмоқда.
Ҳозирги кунда, дунё миқёсида саноат юқори даражада ривожланган ХХИ асрда экология билан боғлиқ муаммолар биринчи даражали муаммо сифатида кун тартибига чиқмоқда.
Президентимиз Шавкат Мирзиёев таъкидлаганидек “Авлодларимиз биздан кейин ҳам муносиб табиий муҳитда яшаши керак. Бунинг учун биз табиатга эътибор беришимиз, фақат бугунни эмас, яқин ва узоқ келажакни ўйлаб иш тутишимиз зарур
“Яшил макон” умуммиллий лойиҳаси бир йиллик тадбир эмас. Унинг доирасида келгуси беш йилда 1 миллиард туп дарахт кўчатини экишни мақсад қилганмиз. Бу умуммиллий ҳаракатнинг натижаси ҳар бир маҳаллада кўриниши керак, бу савобли ишни ҳавас билан қилиш керак”.
Бу борада, “Ўзбекгидроенерго” АЖ ҳамда тизим корхона ва ташкилотларида ҳам қатор амалий ишлар бажарилди.
Тизим ташкилоти ҳисобланган “Самарқанд ГЭСлар каскади” унитар корхонаси раҳбарияти ва фидойи ишчи-ходимларининг уюшқоқлиги, жонбозлиги ҳамда якдил саъй-ҳаракати билан янги “Энергетиклар боғи” яратилди.
Ушбу боғ ихчам ва замонавий дизайнда яратилган бўлиб, келгусида корхона ҳудудининг янада гўзал ва обод, об-ҳавосининг мусаффо бўлишига муҳим замин яратади. Ўз-ўзидан, ушбу боғ ишчи-ходимлар учун “яшил” ҳордиқ масканига айланади.
“Ўзбекгидроенерго” АЖ Ахборот хизмати
586
