2022 йилда иқтисодиёт тармоқлари ва аҳолига нефть ва газ маҳсулотларини узлуксиз етказиб берилишини таъминлаш мақсадида ҳукумат қарорлари лойиҳалари ва амалий чора-тадбирлар режалари ишлаб чиқилади.
Улар асосида қуйидаги ишлар амалга оширилади:
▪️“Ўзбекнефтгаз” АЖ томонидан 20 та янги майдонларда геология-қидирув ишларини амалга ошириш орқали истиқболли захиралар миқдорларини табиий газ бўйича 35 млрд куб метрга ва суюқ углеводородлар бўйича 1,0 млн тоннага оширилиши таъминланади.
▪️Республика бўйича табиий газ қазиб чиқариш прогноз ҳажмларини 2022 йилда 56,3 млрд куб метргача ошириш орқали йиллик газ қазиб чиқариш ҳажмларининг компенсация даражаси 104 фоизгача етказилади.
▪️Маҳаллий заводларда суюлтирилган газ ишлаб чиқаришни 2022 йилда 832 минг тоннагача кўпайтирилади.
Бунда:
▪️“Ўзбекнефтгаз” АЖ томонидан 105 та янги қудуқларни бурғилаб ишга туширилади, 594 та қудуқда мукаммал таъмирлаш ва интенсификация ишлари бажарилади ҳамда 27 та технологик объект қуриб ишга туширилади;
▪️“Ўзтрансгаз” АЖ томонидан 67,4 км магистрал газ қувурлари, компрессор станцияларидаги газ ҳайдаш агрегатлари ва 17 та газ тақсимлаш станциялари капитал таъмирланади, реконструкция қилинади ва янгидан қурилади;
▪️“Ҳудудгазтаъминот” АЖ томонидан 222,8 км газ тармоқлари капитал таъмирланади ва реконструкция қилинади ҳамда суюлтирилган газ таъминоти инфратузилмаси ривожлантирилади.
Энергетика вазирлиги Матбуот хизмати
503
