Ўзбекистон Республикаси Энергетика вазирлиги делегацияси DUBAI-EXPO халқаро кўргазмасининг “Ўзбекистон энергетика ҳафталиги” доирасида “ACWA Power” компанияси Вице-президенти Туртон Клайв билан Ўзбекистонда амалга оширилаётган лойиҳалар бўйича музокаралар ўтказди.
Таъкидлаш лозимки, Ўзбекистон Республикаси Энеретика вазирлиги “ACWА Power” компанияси билан мамлакатимизда энг замонавий, энергосамарадор ва қайта тикланувчи энергия манбаларига асосланган энерго объектларни бунёд этиш бўйича самарали ҳамкорлик қилмоқда.
Таъкидлаш керакки, “ACWA Power” компанияси Ўзбекистонда умумий қуввати 2 600 МВт бўлган иссиқлик ва шамол электр станциялари қуради.
Хусусан, Бухоро вилоятининг Пешку ва Ғиждувон туманларида ҳар бирининг қуввати 500 МВтдан бўлган 2 та шамол электр станцияси 2024 йилнинг февраль ойида ишга туширилади. Шунингдек, Қорақалпоғистон Республикасининг Қораўзак туманида 100 МВт қувватга эга шамол электр станцияси қурилади.
Шу билан бирга, компания томонидан Сирдарё вилоятининг Ширин шаҳрида қуввати 1 500 МВт бўлган иссиқлик электр станцияси қурилмоқда ва у 2023 йилнинг тўртинчи чорагида ишга туширилиши режалаштирилган.
Учрашувда қайта тикланувчи энергия манбалари ва иссиқлик электр станцияларини қуриб фойдаланишга топшириш бўйича амалга оширилаётган лойиҳаларни самарали амалга ошириш, энергообъектларни ўз вақтида қуриб фойдаланишга топшириш масалалари муҳокама этилди.
Ўзбекистон Республикаси
Энеретика вазирлиги Матбуот хизмати
687
