Янги Ўзбекистоннинг 2022–2026 йилларга мўлжалланган Тараққиёт стратегиясига асосан, 2022 йил апрель ойига қадар уй-жой-коммунал хўжалиги, ижтимоий соҳа объектлари ва бошқа соҳаларда қайта тикланувчи энергия манбаларини кенг жорий этиш ва энергия самарадорлигини ошириш юзасидан Президент қарори лойиҳаси ишлаб чиқилади.
Унга кўра, Энергетика вазирлиги Жаҳон банки экспертлари ва маслаҳатчилари ҳамда тегишли вазирлик ва идоралар билан ҳамкорликда “Ижтимоий, тижорат ва маъмурий-маиший бино ва иншоотларнинг энергия самарадорлигини ошириш” Миллий дастури ишлаб чиқилади.
Бунда:
▪️“Янги Ўзбекистон массивлари” давлат дастурлари доирасида қуриладиган уй-жой, ижтимоий ва тижорат объектларини қуришда қайта тикланувчи энергия манбаларидан электр ва иссиқлик энергиясини ишлаб чиқарувчи қурилмалардан кенг фойдаланилади.
▪️Хусусий сектор, ижтимоий соҳа ва маҳаллий бошқарув органлари объектларида қайта тикланувчи энергия манбаларини жорий этиш бўйича намунавий лойиҳалар ишлаб чиқилади.
▪️Ижтимоий соҳа объектлари ва бошқа бюджет ташкилотларининг раҳбарлари ва масъул ходимларига қайта тикланувчи энергия манбаларини жорий этишини рағбатлантириш чоралари қўлланилади.
▪️Кам таъминланган аҳолида қайта тикланувчи энергия манбаларини жорий этиш борасида давлат томонидан рағбатлантириш ва молиялаштириш механизмлари белгиланади.
Ўзбекистон Республикаси
Энергетика вазирлиги Матбуот хизмати
574
