Тараққиет стратегиясига мувофиқ, углеводород хом ашёси мавжуд конлар, геология-қидирув майдон ва структураларини таҳлил қилган ҳолда уларга шаффоф механизмлар асосида инвесторларни жалб қилиш орқали қазиб чиқариш ҳажмларини ошириш борасида амалий чора-тадбирлар амалга оширилади.
Хусусан:
1. 2022 йилда “Ўзбекнефтгаз” АЖ тизимидаги захираси кам, инфратузилма объектларидан узоқда жойлашган ҳамда қазиб чиқариш харажатлари юқори бўлган камида 5 та конга риск-сервис шартномалари асосида пудратчиларни жалб қилиш орқали 25 та қудуқда геологик-техник тадбирлар амалга оширилади ва углеводород қазиб чиқариш ҳажмлари оширилади.
2. 2022 йил апрель ойига қадар республикада мавжуд углеводород кон, майдон ва структураларида, шу жумладан “Ўзбекнефтгаз” АЖга бириктирилган объектларда геология-қидирув ишлари ва қазиб олишга жалб қилиш ҳолатини таҳлил қилиш ва натижаси бўйича, фойдаланилмаётган геологик объектларни давлат захирасига қайтариб олинади ҳамда инвесторларга таклиф этиладиган геологик объектлар рўйхати шакллантирилади.
3. 2022 йил октябрь ойига қадар Халқаро экспертлар, консалтинг ташкилотларини жалб этган ҳолда геологик объектларни танлаб олиш ва улар бўйича инвесторлар учун геологик материаллар пакети (геологик маълумот, тизер ва тақдимотлар) ва фойдаланиш шартлари ишлаб чиқилади.
4. 2022 йил ноябрь ойига қадар объектлар бўйича ер қаъридан фойдаланиш рухсатномаларини олиш учун танлов ҳужжатлари шакллантирилади ва шаффоф механизмлар асосида инвесторларга босқичма-босқич таклиф этилади.
Ўзбекистон Республикаси
Энергетика вазирлиги Матбуот хизмати
714
