15 октябрдан 15 ноябргача Энергетика вазирлиги ва Иқтисодиёт ва саноат вазирлиги мамлакатимизнинг 14 вилоятида қўшма савдо ярмаркалари ва давра суҳбатлари ўтказмоқдалар.
Ушбу тадбирларнинг асосий мақсади унинг иштирокчиларига Ўзбекистон Республикаси Президентининг 22.08.2013 йилдаги ПҚ-4422-сонли «Иқтисодиёт тармоқлари ва ижтимоий соҳаларнинг энергия самарадорлигини ошириш, энергия тежайдиган технологияларни жорий қилиш ва қайта тикланадиган энергия манбаларини ривожлантириш бўйича тезкор чора-тадбирлар тўғрисида»ги Қарорида белгиланган мақсад ва вазифалар билан таништириш, шунингдек, Иқтисодиёт ва саноат вазирлигининг «Саноат корхоналарининг энергия самарадорлигини ошириш» лойиҳасини энергия самарадорлиги ва энергияни тежаш соҳасидаги тугалланган лойиҳалар ютуқларини намойиш этиш орқали тақдим этиш.
Биринчи давра суҳбатлари ва савдо ярмаркалари Нукус (Қорақалпоғистон Республикаси), Урганч, Наманган, Фарғона, Бухоро каби шаҳарларда бўлиб ўтди. Шунингдек, ноябрь ойининг охирига қадар шундай тадбирлар Навоий, Самарқанд, Қарши, Тошкент, Нурафшон (Тошкент вилояти), Термиз, Гулистон ва Жиззахда режалаштирилган.
Ўртача ҳар бир шаҳарда савдо ярмаркаси ва давра суҳбатларида 300 дан 500 тагача иштирикчилар қатнашмоқда. Маҳаллий энергия тежайдиган ускуналар ишлаб чиқарувчилари ўз маҳсулотларини намойиш этмоқдалар, бу эса халқаро сифат стандартларига жавоб берадиган рақобатбардош маҳаллий маҳсулотлар билан танишиш имконини беради. Савдо ярмаркасида иштирок этаётган компаниялар: «Электроаппарат» компаниялар гуруҳи, «Қуёш Иссиқлик Энержиаси» МЧЖ ҚК, «Артель» компаниялар гуруҳи, «E-cover», «Mega Trans Energy» МЧЖ, QIE solar technology», «Endüstriyel Elektrik, «Solar Power», МЧЖ, ОФТОБ НУР МЧЖ Артель компаниялар гуруҳи, High light technology, Solar Сity Solutions МЧЖ, Vitech компаниялар гуруҳи, Panelplast ҚК МЧЖ ва бошқалар.
Ярмаркалардан сўнг давра суҳбатлари бўлиб, унда вилоят, шаҳар ва туман ҳокимликлари раҳбарлари, тадбиркорлар, ҳудудий ва вилоят электр тармоқлари ва газ таъминоти корхоналари раҳбарлари, саноат корхоналари, иштирок этувчи банклар, шунингдек ОАВ вакиллари иштирок этмоқдалар.
Телеграм канал: t.me/UZEEF
Facebook: clck.ru/Fwjjz
Instagram: instagram.com/uzeef_project
1112
