Ҳурматли истеъмолчилар!
Телеграм ижтимоий тармоғи орқали Энергетика вазирлигининг расмий гуруҳи сифатида «ЭНЕРГЕТИКЛАР, расмий мухокамалар канали» фейк канал иш юритаётганлиги маълум бўлди.
Ушбу норасмий гуруҳ 8 минг 600 дан ортиқ обуначиларга эга бўлиб, берилаётган материалларнинг савияси ва турли соҳага оид материаллар бериб борилиши билан ҳам расмий гуруҳ эмаслиги кўриниб турибди. Шуни яна алоҳида таъкидлаш керакки, гуруҳнинг маълумотлар қисмида Энергетика вазирлиги - «енергетика вазирлиги» тарзида жуда қўпол ҳато билан ёзилганлигини кўриш мумкин.
Ушбу каналда чиқарилаётган материалларга ва каналга ишонмасликни, бу канал норасмий бўлиб, вазирлик ва унинг тасарруфидаги ташкилотларга ҳеч қандай алоқаси йўқлигини маълум қиламиз.
Гуруҳ админларини давлат ташкилоти (Ўзбекистон Республикаси Энергетика вазирлиги) номидан иш юритиш қонун олдида жавобгарлик борлиги ҳақида огоҳлантирамиз.
Ўзбекистон Республикаси
Энергетика вазирлиги Матбуот хизмати
601
