Ўзбекистон Республикаси Энергетика вазирлиги ва Rothschild & Co инвестиция банки ўртасида Ҳамкорлик шартномаси имзоланди. Имзолаш маросими 2022 йил 25 март куни Биринчи Тошкент халқаро инвестиция форуми доирасида бўлиб ўтди.
Банк делегациясига Rothschild & Co директорлар кенгаши аъзоси Баронесса Ариель де Малард де Ротшильд бошчилик қилади.
Шартномага кўра, халқаро инвестиция банки – Rothschild & Cie and N.M. Rothschild & Sons Limited республикада энергетика соҳасидаги истиқболли лойиҳаларни таҳлил қилиш, молиялаштириш, кредитлаш ва энергетика лойиҳаларида бевосита иштирок этиш орқали потенциал инвесторларни аниқлаш ва жалб қилиш бўйича стратегик маслаҳатчи сифатида фаолият олиб боради.
Rothschild & Co делегациясининг Тошкентга ташрифи давомида томонлар ўртасида ҳамкорликни ривожлантириш шартлари бўйича музокаралар бўлиб ўтди.
Ўзбекистон Республикаси
Энергетика вазирлиги Матбуот хизмати
757
