Жорий йилнинг 28 апрель куни Энергетика вазирлиги томонидан Рамазон ҳайити арафасида узоқ йиллар мобайнида ёқилғи-энергетика соҳасида хизмат қилиб келган фахрийлар учун байрам тадбири ўтказилди.
Тадбирда Ўзбекистон Республикаси Энергетика вазирлиги раҳбарияти, шунингдек, ёқилғи-энергетика соҳасида узоқ йиллар мобайнида фидокорона хизмат қилиб келган ва бугунги кунда ҳам соҳа ривожи учун меҳнат қилаётган 100 нафардан зиёд фахрийлар иштирок этишди.
Тадбирда сўнгги йилларда юртимизда ёқилғи-энергетика соҳасида туб ўзгаришлар қилинаётгани, ишлаб чиқариш ҳажмларини ошириш билан бир қаторда энергия ресурсларини етказиб бериш сифати ҳам тубдан яхшиланиб бораётгани эътироф этилди.
Фахрийлар учун улуғ-айём кунларида ифторлик дастурхони ёзилиб, соҳада хизмат қилиб ўтганларнинг руҳларига бағишлаб Қуръон тиловат қилинди. Юртимиз, хусусан энергетика соҳаси ривожи йўлида хизмат қилаётган барча ходимлар ҳаққига дуолар қилинди.
Ўзбекистон Республикаси
Энергетика вазирлиги Матбуот хизмати
941
