Президентимизнинг “Малакаларни баҳолаш тизимини тубдан такомиллаштириш ва меҳнат бозорини малакали кадрлар билан таъминлаш чора-тадбирлари тўғрисида” 2020 йил 31 декабрдаги ПҚ-4939-сон қарори ижросини таъминлаш мақсадида Энергетика вазирлиги ва тизим акциядорлик жамиятлари ҳамкорлигида нефть-газ, электр энергетикаси ва кўмир саноати соҳаларини қамраб олувчи ёқилғи-энергетика соҳаси учун хизматчилар лавозимлари ва ишчи касбларининг тармоқ тариф-малака маълумотномаси ишлаб чиқилмоқда.
Ушбу тармоқ тариф-малака маълумотномасининг асосий мақсади – касб ва лавозимларнинг малакавий норматив-ҳуқуқий базасини янада такомиллаштириш, уни бозор иқтисодиёти ва халқаро амалиёт талабларига мувофиқлаштириш, корпоратив бошқарувнинг замонавий усулларини қўллаш, профессионал кадрлар тайёрлашни таъминлашда Хизматчиларнинг асосий лавозимлари ва ишчилар касблари классификаторининг ролини кучайтиришдир.
Тармоқ тариф-малака маълумотномаси ишчилар тоифалари ўртасида меҳнат тақсимоти масалаларини тўғри ҳал қилишга кўмаклашиш, уларнинг меҳнат вазифалари ва уларга қўйиладиган малака талабларини белгилашда умумийликни таъминлаш, лавозим йўриқномаларини ишлаб чиқиш, ходимларнинг мажбуриятлари, ҳуқуқ ва жавобгарликларини белгилаш, таркибий бўлинмаларнинг бошқарув тизимидаги роли ва ўрнини белгиловчи низомларини ишлаб чиқиш, кадрларни танлаш ва жойлаштириш, мутахассислиги ва малакасига мувофиқ тўғри тақсимлашни назорат қилиш, шунингдек, раҳбарлар ва мутахассисларни аттестациядан ўтказиш учун асос бўлиб хизмат қилади.
Ўзбекистон Республикаси
Энергетика вазирлиги Матбуот хизмати
999
