Айни вақтда Вазирлар Маҳкамасининг “Ёқилғи-энергетика ресурсларининг нархларини ўзгартириш тўғрисида”ги қарори лойиҳаси доирасида 660 дан зиёд фикр ва таклифлар келиб тушди.
Истеъмолчиларга шуни маълум қиламизки, Энергетика, Молия, Иқтисодий тараққиёт ва камбағалликни қисқартириш вазирликлари ҳамда бошқа ташкилотларнинг мутахассислари томонидан ушбу муҳокама доирасида нафақат regulation.gov.uz, балки Фейсбук, Телеграм, Инстаграм каби ижтимоий тармоқлар орқали билдирилаётган таклифларнинг барчаси ўрганиб чиқилмоқда.
Шуни алоҳида таъкидлаймизки, биз ушбу лойиҳа борасида ҳам ҳар бирингизни диққат билан тингламоқдамиз ва Сиз томонингиздан билдирилаётган фикрлар мутахассислар томонидан кўриб чиқилаётганини маълум қиламиз.
Ҳурматли истеъмолчилар, ушбу ислоҳотни амалга оширишда ҳар бирингиз фаол бўлишингизни, Сиз томонингиздан бериладиган барча фикр ва таклифлар биз учун муҳимлигини билдирамиз!
589
