Энергетика вазирлиги ҳузуридаги “Ўзэнергоинспекция” ҳудудий бўлими томонидан муқобил энергия манбаларидан фойдаланиш, қайта тикланувчи энергия манбалари қурилмаларини жорий этилиши юзасидан бир қатор тарғибот-ташвиқот ва амалий ишлар амалга оширилмоқда.
Хусусан, Жиззах вилоятининг Зомин туманидаги, “Янги чорвадор” фермер хўжалигида жойлашган “Хуршидбек Абдуазимов даласи” фермер хўжалигида ўрнатилган қуввати 37 кВт бўлган қуёш панеллари ҳам амалга оширилган ишларнинг самарасидир.
Жорий йил бошида “Ўзэнергоинспекция” Жиззах ҳудудий бўлимига фермер хўжалигини заҳира электр таъминоти билан таъминлаш лойиҳаси тақдим қилинди. Лойиҳа-смета ҳужжатлари бўйича ҳисобланган қарийиб 200 млн сўм маблағ ўрнига бўлим томонидан қуёш панеллари ўрнатиш тавсияси берилди. Қуёш панелларини сотиб олиш ва ундан фойдаланишда бериладиган имтиёзлар, электр энергияси билан таъминлашда узилишлар бўлмаслиги, электр энергиясига бўлган тўловларнинг камайиши каби қулайликлар маъқул келиб, хўжалик раҳбари томонидан қуёш панеллари сотиб олиниб, ўрнатилди. 
Ушбу ўрнатилган 37 киловатт қувватли қуёш панеллари ёрдамида экин майдонларини суғориш ишлари бошланди.
Ушбу қурилмаларни ўз кўзи билан кўриш учун қуёш панелларини ишга тушириш жараёнига шу ҳудудда жойлашган “Шоҳруҳ-Дилруҳ” фермер хўжалиги раҳбари ҳам таклиф қилинди. Лойиҳа хўжалик раҳбарига маъқул келиб, келажакда у ҳам муқобил энергия манбаларидан фойдаланиш истагини билдирди.
“Ўзэнергоинспекция” Матбуот хизмати
748
